Complete Guidance For MPSC Exams, Current Affairs, Rajyaseva, PSI, STI Exams, Job Alerts 2020

Current Affairs of 29 August 2017 For MPSC Exams

चालू घडामोडी (29 ऑगस्ट 2017)

चालू घडामोडी (29 ऑगस्ट 2017)

दीपक मिश्रा सर्वोच्च न्यायालयाचे नवे सरन्यायाधीश :

  • देशाचे 45वे सरन्यायाधीश म्हणून न्या. दीपक मिश्रा (वय 64 वर्षे) यांचा 28 ऑगस्ट रोजी शपथविधी झाला.
  • राष्ट्रपती भवनात त्यांना राष्ट्रपती रामनाथ कोविंद यांनी शपथ दिली. त्यांचा कार्यकाळ 2 ऑक्टोबर 2018 पर्यंत आहे. सरन्यायाधीश जे.एस. खेहर हे 27 ऑगस्ट रोजी निवृत्त झाले.
  • निर्भया बलात्कार व हत्या खटल्यात चार दोषींना देहदंडाची शिक्षा कायम करण्यांना खंडपीठात मिश्रा यांचा समावेश होता. चित्रपटगृहांत राष्ट्रगीताचे गायन बंधनकारक करण्याचा आदेशही त्यांचाच होता.
  • तसेच याकुब मेमनच्या फाशीची सुनावणी त्यांनी मध्यरात्री घेतली होती. प्रघातानुसार मिश्रा यांचे नाव सरन्यायाधीश खेहर यांनी गेल्या महिन्यात सरन्यायाधीश पदासाठी सुचवले होते.
  • शपथविधीला उपराष्ट्रपती एम.व्यंकया नायडू, पंतप्रधान नरेंद्र मोदी, माजी पंतप्रधान मनमोहन सिंग, काँग्रेसच्या अध्यक्षा सोनिया गांधी, राज्यसभेतील विरोधी पक्ष नेते गुलाम नबी आझाद व अनेक केंद्रीय मंत्री उपस्थित होते.
Must Read (नक्की वाचा):

चालू घडामोडी (28 ऑगस्ट 2017)

देशाला सुरक्षित रेल्वे प्रवासासाठी जपानची मदत :

  • रेल्वे अपघातांचे सत्र सुरु असतानाच आता रेल्वे प्रवाशांच्या सुरक्षेसाठी भारताने जपानची मदत घेण्याचा निर्णय घेतला आहे.
  • जपानमधील रेल्वे सुरक्षा तज्ज्ञांचे पथक भारत दौऱ्यावर आले असून रेल्वे मंत्रालयातील अधिकारी आणि भारतातील रेल्वे सुरक्षा तज्ज्ञांशी हे पथक चर्चा करणार आहे.
  • रेल्वे सुरक्षा तज्ज्ञांचे पथक पाठवावे, अशी विनंती जुलै महिन्यात भारताने जपानला केली होती.
  • जपानचे पंतप्रधान शिंझो आबे यांच्या भारत दौऱ्याआधी जपान सरकारने रेल्वे सुरक्षा तज्ज्ञांचे पथक भारतात पाठवले आले.
  • तसेच हे पथक पाच दिवसांसाठी भारतात आले असून जपानच्या दूतावासाकडून जारी करण्यात आलेल्या प्रसिद्धीपत्रकातून ही माहिती देण्यात आली.

लष्कराची ताकद वाढविणारे आधुनिक क्षेपणास्त्र :

  • भारतीय लष्कराच्या ताफ्यात आता मध्यम पल्ल्याचे आधुनिक क्षेपणास्त्र दाखल होणार आहे. या मध्यम पल्ल्याच्या क्षेपणास्त्रामुळे 70 किलोमीटरच्या परिसरात मारा करता येणार आहे.
  • तसेच हे क्षेपणास्त्र शत्रू्ने पाठविलेले बॅलेस्टिक क्षेपणास्त्र, लढाऊ विमान, ड्रोन किंवा हेलिकॉप्टर तातडीने नष्ट करू शकणार आहे.
  • डीआरडीओने इस्त्रायलच्या आयएआय कंपनीसोबत या नव्या क्षेपणास्त्राची निर्मिती करण्यासाठी हातमिळवणी केली आहे अशी माहिती भारतीय लष्कराच्या एका अधिकाऱ्याने दिली आहे.
  • तसेच पुढील तीन वर्षात म्हणजेच 2020 पर्यंत हे क्षेपणास्त्र लष्कराच्या ताफ्यात दाखल होईल.
  • मध्यम पल्ल्याचे हे क्षेपणास्त्र हवेत मारा करू शकणार आहे, त्यामुळे युद्ध झाले तर याचा उपयोग करणे ही एक महत्त्वाची रणनीती असेल असेही लष्कराच्या अधिकाऱ्याने म्हटले आहे.
  • डीआरडीओने या महत्त्वाकांक्षी योजनेसाठी आयएआयसोबत 17 हजार कोटींची तरतूद केली आहे. हे क्षेपणास्त्र 360 अंशात फिरून मारा करू शकणारे क्षेपणास्त्र आहे.

दिनविशेष :

  • बापुजी अणे (माधव श्रीहरी अणे) यांचा जन्म 29 ऑगस्ट 1880 मध्ये झाला.
  • 29 ऑगस्ट 1947 रोजी डॉ. बाबासाहेब अंबेडकर (मुळ नाव भीमराव रामजी आंबेडकर) यांना भारतीय घटना समितीचे अध्यक्षपद देण्यात आले.

चालू घडामोडी PDF स्वरुपात मिळविण्यासाठी येथे क्लिक करा

Must Read (नक्की वाचा):

चालू घडामोडी (30 ऑगस्ट 2017)

You might also like

Leave A Reply

Your email address will not be published.

MPSC World