मॉडेल मिलिंद सोमणने ट्रायथॅलॉन स्पर्धा केली यशस्वीरित्या पार :
- बॉलिवूड अभिनेता व मॉडेल मिलिंद सोमण याने तंदुरुस्तीची कस लावणारी ट्रायथॅलॉन ही स्पर्धा यशस्वीरित्या पार केली.
- ट्रायथलॉन ही जगातील सर्वांत अवघड स्पर्धांपैकी एक समजली जाते.
- झ्युरीचमध्ये झालेल्या या स्पर्धेत 50 वर्षीय मिलिंद सोमण याच्यासह सहा भारतीय नागरिक व देशविदेशातील दोन हजार स्पर्धक सहभागी झाले होते.
- ट्रायथलॉनमध्ये 3.8 किमी पोहणे, 180.2 किमी सायकल चालविणे आणि 42.2 किमी धावणे या क्रीडा प्रकारांचा समावेश आहे तसेच स्पर्धकाने हे सर्व सलग न थांबता करायचे असतात.
- ही तिन्ही आव्हाने पार करणाऱ्याला “आयर्नमॅन” हा किताब दिला जातो.
- स्पर्धकांना ही ट्रायथलॉन 16 तासांमध्ये पूर्ण करणे गरजेचे असते.
- मिलिंदने 15 तास 19 मिनिटांमध्ये ती पार केली.
Must Read (नक्की वाचा):
ब्रिक्स बॅंकेच्या (एनडीबी) कामकाजाची शांघायमध्ये सुरुवात :
- जगात नव्याने उदयास येत असलेल्या अर्थव्यवस्थांना पायाभूत निधी पुरविण्यासाठी ब्रिक्स (ब्राझील, रशिया, चीन, भारत व दक्षिण आफ्रिका)
देशांनी एकत्रितरित्या स्थापन केलेल्या बॅंकेच्या (एनडीबी) कामकाजाची मंगळवार शांघाय येथील मुख्यालयामधून औपचारिक सुरुवात झाली.
- या उद्घाटनाच्या समारंभास चीनचे अर्थमंत्री लोऊ जिवेई, शांघाय शहराचे महापौर यांग शिआँग आणि एनडीबीचे अध्यक्ष के व्ही कामत हे उपस्थित होते.
- कामत हे एनडीबीचे प्रथम अध्यक्ष म्हणून काम पाहणार असून त्यांचा कार्यकाळ पाच वर्षांचा आहे.
- रशियातील उफा येथे नुकत्याच झालेल्या 7 व्या ब्रिक्स परिषदेत एनडीबीची घोषणा करण्यात आली होती.
- सध्या या बॅंकेकडे 50 अब्ज डॉलर्सचे भांडवल असून येत्या दोन वर्षांत हे भांडवल 100 अब्ज डॉलर्सवर जाण्याचा अंदाज आहे तसेच या भांडवलामध्ये प्रत्येक सभासद देशाचा समान वाटा असणार आहे.
- भारतासहित अन्य 56 देश या बॅंकेचे सभासद आहेत.
वस्तुमानरहित कण शोधण्यात वैज्ञानिकांना यश :
- एक वस्तुमानरहित कण वैज्ञानिकांनी शोधून काढला आहे.
- त्यामुळे इलेक्ट्रॉनिक्स क्षेत्रात मोठी प्रगती होणार असून पुंज भौतिकीवर आधारित नवीन संगणक तयार करता येणार आहेत.
- प्रिन्स्टन विद्यापीठाच्या वैज्ञानिकांनी हा वेयल फर्मिऑन नावाचा कण शोधून काढला आहे.
- त्याची संकल्पना 85 वर्षांपूर्वी मांडण्यात आली होती.
- एलएचसीच्या जीनिव्हा येथील प्रयोगात वैज्ञानिकांनी पेंटाक्वार्कचा शोध लावला होता, त्यानंतर भौतिकशास्त्रातील आता हा दुसरा एक महत्त्वाचा शोध आहे.
- 1929 मध्ये हेरमान वेयल यांनी या फर्मिऑनची संकल्पना मांडली होती.
- हेरमान हे गणितज्ञ होते व त्यांनी अणुच्या उपकणांच्या सैद्धांतिक रचना मांडल्या होत्या. इलेक्ट्रॉनिक्समध्ये वीजवहनात फार मोठी क्रांती अपेक्षित आहे.
- फर्मिऑनची वैशिष्टय़े
- वस्तुमानरहित
- गतिशीलता अधिक
- टँटॅलम आर्सेनाइड या कृत्रिम स्फटिकात सापडला
- इलेक्ट्रॉनमध्ये रूपांतर शक्य
- वीज’वहन व उष्णता ऱ्हास कमी होणार
अधिकृत संकेतस्थळावर ई-फायलिंग लिंक सुरू :
- विदेशात ठेवण्यात आलेला बेकायदा पैसा, संपत्तीचा तपशील देण्यासाठी आयकर विभागाने आपल्या अधिकृत संकेतस्थळावर (वेबसाईट) ई-फायलिंग लिंक सुरू केली आहे.
- आयकर विभागाच्या वरिष्ठ अधिकाऱ्याने दिलेल्या माहितीनुसार ई- फायलिंग पोर्टल ‘एचटीटीपीएस : इन्कमटॅक्सइंडियाफायलिंग डॉट जीओव्ही डॉट इन डॉट’ वर ही लिंक उपलब्ध आहे.
- विदेशातील बेकायदा संपत्ती, पैसा जाहीर करण्यासाठी फॉर्म 6 चा वापर केला जाऊ शकतो. कोणतीही व्यक्ती किंवा संस्थेने ऑनलाईन पाठविलेल्या माहितीची सत्यता पडताळून बघण्यासाठी ‘डिजिटल स्वाक्षरी’ची गरज आहे.
आयसीसी टी-20 वर्ल्डकप क्रिकेटचे सामने भारतात होणार :
- पुढच्या वर्षी 2016 मध्ये होणा-या आयसीसी टी- 20 वर्ल्डकप क्रिकेटचे सामने भारतात होणार असून या अंतिम सामने कोलकात्यातील ईडन
गार्डनवर ठेवण्यात येणार असल्याचे बीसीसीआयने आज सांगितले.
- आयसीसी वर्ल्डकप टी-20 क्रिकेटच्या सामन्याचे आयोजन 11 मार्च ते 3 एप्रिल 2016 या दरम्यान करण्यात आले असून हे सामने आठ शहरामध्ये ठेवण्यात आले आहेत.
- यामध्ये मुंबई, बंगळुरु, चेन्नई, धरमशाळा, मोहाली, नवी दिल्ली आणि नागपूर या शहरांचा समावेश आहे. तर, कोलकातामध्ये अंतिम सामने खेऴविण्यात येणार असल्याचे यावेळी बीसीसीआयने सांगितले.
दिनविशेष :
- 1900 – भारताचा नॉर्मन प्रिचर्ड या खेळाडूंने ऑलम्पिक स्पर्धेमध्ये पॅरिस येथे 200 मीटरचे रजत पदक मिळविले.
- 1908 – लोकमान्य टिळकांना काळ्या पाण्याची शिक्षा.
- 1947 – भारतीय संविधान समितीने तिरंगा हा राष्ट्रध्वज म्हणून संमत केला.
- 2012 – प्रणव मुखर्जी यांनी स्वतंत्र भारताचे 13वे राष्ट्रपती म्हणून पदभार स्वीकारला.