Complete Guidance For MPSC Exams, Current Affairs, Rajyaseva, PSI, STI Exams, Job Alerts 2020

Current Affairs of 12 November 2016 For MPSC Exams

चालू घडामोडी (12 नोव्हेंबर 2016)

चालू घडामोडी (12 नोव्हेंबर 2016)

भारत व जपानमध्ये ऐतिहासिक अणू करार :

  • पंतप्रधान नरेंद्र मोदी यांच्या जपान दौ-यात मोठे यश मिळाले आहे.
  • भारत आणि जपान दरम्यान ऐतिहासिक अणू करार झाला आहे.
  • पंतप्रधान नरेंद्र मोदी आणि जपानचे पंतप्रधान शिंजो अॅबे यांच्या उपस्थितीत नागरी अणू करारावर स्वाक्ष-या झाल्या.
  • भारतासोबत अणूकरार करणारा जपान हा 11 वा देश आहे.
  • तसेच, जपानने अणू पुरवठादार गटात(NSG) भारताच्या कायम सदस्यत्वाचंही समर्थन केले आहे.
  • जपानचे पंतप्रधान शिंजो अॅबे यांनी संयुक्त पत्रकार परिषदेत याबाबत घोषणा केली.

राज्यांना त्यांच्या उत्पादनांवर प्रवेशकराचा अधिकार :

  • राज्यांना त्यांच्या उत्पादनांवर प्रवेशकर आकारण्याचा अधिकार असल्याचा निर्वाळा सर्वोच्च न्यायालयाने 11 नोव्हेंबर रोजी दिला.
  • राज्याच्या करविधेयकाला राष्ट्रपतींची मंजुरी आवश्‍यक नसल्याचेही न्यायालयाने नमूद केले आहे.
  • सर्वोच्च न्यायालयाचे सरन्यायाधीश टी. एस. ठाकूर यांच्या नेतृत्वाखालील नऊ सदस्यीय खंडपीठाने हा निर्वाळा दिला.
  • राज्यांना उत्पादनांवर प्रवेशकर आकारण्याचा अधिकार असून, यात उत्पादनांमध्ये मात्र भेदभाव करता येणार नाही.
  • राज्याने तेथेच उत्पादित होणाऱ्या उत्पादनावर प्रवेशकर आकारल्यास अन्य राज्यांतून येणाऱ्या त्याच उत्पादनांवर जादा कर आकारता येणार नाही, असे न्यायालयाने स्पष्ट केले.
  • एका राज्यातून दुसऱ्या राज्यात उत्पादन नेताना त्यावर राज्य प्रवेशकर आकारते. ज्या राज्यात उत्पादन जाणार ते राज्य हा कर आकारत नाही.

महावितरणाकडून वीज ग्राहकांसाठी अभय योजना लागू :

  • कायमस्वरूपी वीजपुरवठा खंडित असलेल्या घरगुती, व्यापारी, औद्योगिक, उच्चदाब व अतिउच्चदाब वीज ग्राहकांना सेवा देण्यासाठी महावितरणने अभय योजना जाहीर केली आहे.
  • तसेच या योजनेत सहभागी होणाऱ्यांना व्याज, दंड व विलंब आकारणीबाबत माफी मिळणार असून, ही योजना 30 एप्रिल 2017 पर्यंत लागू राहील.
  • कायमस्वरूपी वीज खंडित असलेले ग्राहक त्यांच्याकडील मूळ थकबाकीचा शंभर टक्के भरणा करतील; त्यांना शंभर टक्के व्याज व दंड आणि विलंब आकार माफ करण्यात येणार आहे.
  • तसेच मूळ रकमेत पाच टक्के सवलत देण्यात येणार आहे. त्यानंतर 31 जानेवारी 2017 पूर्वी मूळ थकबाकीचा भरणा केल्यास व्याज व विलंब आकारणी माफ होणार आहे.
  • 1 फेब्रुवारी ते 30 एप्रिल 2017 या कालावधीत योजनेत सहभागी होणाऱ्या ग्राहकांना थकीत मूळ रक्कम भरल्यानंतर 100 टक्के विलंब आकार माफ करण्यात येणार आहे.

व्ही.आर. रघुनाथ करणार भारतीय हॉकी संघाचे नेतृत्व  :

  • आशियाई चॅम्पियन्स ट्रॉफी हॉकी स्पर्धेत भारतीय सीनियर पुरुष संघाच्या यशानंतर 23 नोव्हेंबरपासून चार देशांचा सहभाग असलेल्या स्पर्धेसाठी संघ ऑस्ट्रेलिया दौऱ्यावर जाणार आहे.
  • तसेच संघाचे नेतृत्व ड्रॅग फ्लिकर व्ही. आर. रघुनाथ करणार आहे.
  • भारतीय संघ ऑस्ट्रेलिया दौऱ्यात चार देशांचा सहभाग असलेल्या स्पर्धेत खेळेल. त्यानंतर यजमान ऑस्ट्रेलियाविरुद्ध कसोटी मालिका खेळली जाईल.
  • नियमित कर्णधार आणि गोलकिपर पी.आर. श्रीजेश हा गुडघ्याच्या जखमेमुळे संघाबाहेर असल्याने रघुनाथकडे कर्णधारपद सोपविण्यात आले.
  • संघाच्या उपकर्णधारपदाची जबाबदारी बचाव फळीतील खेळाडू आणि ड्रॅग फ्लिकर रूपिंदरपालसिंग याच्याकडे असेल.
  • चार देशांच्या स्पर्धेत अन्य संघ न्यूझीलंड आणि मलेशिया हे राहतील.

दिनविशेष :

  • 12 नोव्हेंबर 1952 रोजी ‘युनेस्को’च्या अध्यक्षपदी सर्वपल्ली राधाकृष्णन्‌ यांची निवड झाली होती.
  • भारतीय स्वातंत्र्यसैनिक एस.एम. जोशी यांचा जन्म 12 नोव्हेंबर 1904 रोजी झाला.
  • बनारस हिंदू विद्यापीठाचे निर्माते पं. मदन मोहन मालवीय यांचा 12 नोव्हेंबर 1946 हा स्मृतीदिन आहे.

चालू घडामोडी PDF स्वरुपात मिळविण्यासाठी येथे क्लिक करा

You might also like

Leave A Reply

Your email address will not be published.

MPSC World