Complete Guidance For MPSC Exams, Current Affairs, Rajyaseva, PSI, STI Exams, Job Alerts 2018-2019

Current Affairs of 12 February 2018 For MPSC Exams

चालू घडामोडी (12 फेब्रुवारी 2018)

चालू घडामोडी (12 फेब्रुवारी 2018)


रोहन मोरेने केला असोसिएशन सेव्हन खाडी पार करून विक्रम :

  • पुण्याचा अव्वल जलतरणपटू रोहन मोरेने न्यूझीलंडची कुकस्ट्रेट खाडी (चॅनेल) 8 तास 37 मिनिटांत पार करून नवा आशियाई उच्चांक नोंदवला आहे.
  • न्यूझीलंडच्या दक्षिण व उत्तर बेटामधील ही 26 किलोमीटर अंतराची खाडी पार करताना जगामधील अवघड सात समुद्र (असोसिएशन सेव्हन चॅलेंज) पार करणारा तो आशियामधील व भारतातील पहिला आंतरराष्ट्रीय जलतरणपटू ठरला आहे.
  • तर रोहन मोरेने जगामधील नववा जलतरणपटू म्हणून मान मिळवला आहे.
  • तसेच वयाच्या 11 व्या वर्षी रोहनने पहिली धरमतर ते गेट वे ऑफ इंडिया ही 35 किलोमीटरची खाडी 7 तास 29 मिनिटांत पार केली होती.
  • तसेच रोहनला लंडनमध्ये 31 मार्च रोजी ‘हॉल ऑफ फेम’ पुरस्काराने सन्मानित करण्यात येणार आहे.

आता टॅक्सी-रिक्षांमध्येही ‘क्यूआर’ कोड :

  • शहरातील अनधिकृत रिक्षा-टॅक्सींवर कारवाई करण्यासाठी ‘क्यूआर’ कोड बसविण्याच्या निर्णयाला राज्य परिवहन प्राधिकरणाने मंजुरी दिली आहे.
  • या ‘क्यूआर’ कोडमुळे प्रवाशांना रिक्षा-टॅक्सीच्या परवानाधारकासह अन्य माहिती उपलब्ध होणार आहे.
  • तर हा ‘क्यूआर’ कोड लावण्यासाठी रिक्षा-टॅक्सी चालकांना 50 रुपये मोजावे लागणार आहेत.
  • मीटरपेक्षा जास्त पैसे घेणे, रात्री उशिरा प्रवास करणार्‍या महिला प्रवाशांची सुरक्षितता आणि अधिकृत व अनधिकृत रिक्षा टॅक्सीची ओळख पटविण्यासाठी ‘क्यूआर’ कोड तयार करण्याच्या निर्णयाला नुकतीच मंजुरी देण्यात आली आहे.

मराठी अभियंत्याने पटकावला ‘ऑस्कर’ :

  • विकास साठ्ये यांना कॅमेरा तंत्र विकसित करण्यासाठी ऑस्कर सन्मानाने गौरविण्यात आले आहे.
  • ‘के1 शॉटओव्हर’ या कॅमे-याची निर्मिती करण्यात मोलाचा वाटा उचणारे साठ्ये यांना 90व्या ऑस्कर अकॅडमी अवॉर्डच्या सायंटिफिक अँड टेक्निकल पुरस्काराने लॉस एंजेलिस येथे गौरविण्यात आले आहे.
  • अकॅडमी ऑफफ मोशन पिक्चर आर्ट्स अँड सायन्सेसच्या निवड समितीने साठ्ये यांच्यासोबत या कॅमे-यावर काम करणारे जॉन कॉयल, ब्रॅड हर्नडेल आणि शेन बकहॅम या तिघांचीही पुरस्कारासाठी निवड केली होती.

भारतीय महिलांनी 2-0 ने जिंकली मालिका :

  • मिताली राजच्या नेतृत्वाखाली भारतीय महिला संघाने दौऱ्यात यजमान दक्षिण अफ्रिकेविरुद्धची तीन वनडे सामन्यांची मालिका 2-1 ने जिंकली आहे.
  • यजमान दक्षिण अफ्रिकेने मालिकेतील शेवटच्या आणि तिसऱ्या वनडे सामन्यात भारतावर मात केली आहे.
  • वेदा कृष्णमूर्ती (56) आणि दीप्ती शर्मा (79) यांच्या झंझावाती अर्धशतकाच्या बळावर भारतीय महिलांनी प्रथम फलंदाजी करताना अफ्रिकेसमोर विजयासाठी 241 धावांचे लक्ष्य ठेवले होते.

दिनविशेष :

  • 12 फेब्रुवारी : जागतिक महिला आरोग्य दिन
  • 1976 : पंतप्रधान श्रीमती इंदिरा गांधी यांच्या हस्ते हडेक्की (केरळ) प्रकल्प देशास अर्पण.
  • 2003 : आवाजापेक्षा दुप्पट वेगवान ब्राह्मोस क्षेपणास्त्राची यशस्वी चाचणी घेण्यात आली.
  • 1824 : संस्कृत विद्वान आणि आर्य समाजाचे संस्थापक मूळशंकर करसनदास तिवारी तथा स्वामी दयानंद सरस्वती यांचा जन्म.

चालू घडामोडी PDF स्वरुपात मिळविण्यासाठी येथे क्लिक करा


Current Affairs of 12 February 2018 For MPSC Exams
Rate this post

You might also like

Leave A Reply

Your email address will not be published.