Complete Guidance For MPSC Exams, Current Affairs, Rajyaseva, PSI, STI Exams, Job Alerts 2020

Current Affairs of 10 September 2016 For MPSC Exams

चालू घडामोडी (10 सप्टेंबर 2016)

चालू घडामोडी (10 सप्टेंबर 2016)

रिओ पॅरालिम्पिकमध्ये भारताला ‘सुवर्ण’ :

  • रिओ ऑलिम्पिकमध्ये देशासाठी एकतरी सुवर्णपदक मिळवण्याचे भारतीय खेळाडूंचे स्वप्न अपूर्ण राहिले असले तरी ही कसर आता रिओ पॅरालिम्पिकमध्ये भरून निघाली आहे.  
  • मरियप्पन थंगवेलू याने पॅरालिम्पिकच्या दुसऱ्या दिवशी उंच उडी प्रकारात ‘सुवर्ण’ पदक पटकावले आहे.
  • तर याच प्रकारात तिस-या आलेल्या वरूण सिंग भाटी याने कांस्यपदक पटकावले आहे.

श्रीलंकेविरुद्ध ऑस्ट्रेलियाचा मालिका विजय :

  • पुन्हा एकदा धडाकेबाज फलंदाजीच्या जोरावर ऑस्ट्रेलियाने दुसऱ्या व अंतिम टी-20 सामन्यात श्रीलंकेला चार विकेट्सने पराभूत केले.
  • तसेच यासह ऑस्ट्रेलियाने टी-20 मालिकेत 2-0 असे निर्विवाद वर्चस्व राखले.
  • विशेष म्हणजे, कारकिर्दीतील अखेरचा सामना खेळत असलेल्या तिलकरत्ने दिलशानला विजयी निरोप देण्यात श्रीलंका संघ अपयशी ठरला.
  • गतसामन्यात विक्रमी नाबाद शतक झळकावणाऱ्या मॅक्सवेलने पुन्हा एकदा आपला हिसका दाखवताना 29 चेंडूत 7 चौकार आणि चार षटकारांसह 66 धावांची वेगवान खेळी केली.
  • कर्णधार डेव्हीड वॉर्नरनेही 24 चेंडूत 25 धावांची खेळी करुन मॅक्सवेलसह 93 धावांची दमदार सलामी दिली.
  • या दोघांच्या तडाखेबंद खेळीच्या जोरावर श्रीलंकेने दिलेले 129 धावांचे लक्ष्य ऑस्ट्रेलियाने 17.5 षटकात 6 फलंदाजांच्या मोबदल्यात पार केले.
  • यासामन्यातही मॅक्सवेलने विक्रमी खेळी करताना 18 चेंडूत अर्धशतक पुर्ण करुन ऑस्ट्रेलियाकडून वेगवान अर्धशतक झळकावले.
  • विशेष म्हणजे त्याने गेल्या सामन्यातील स्वत:चाच 19 चेंडूत अर्धशतकाचा विक्रमही मागे टाकला.

विद्या बालन पेंशन योजनेची सदिच्छादूत :

  • समाजवादी पक्षाने राज्य सरकारच्या ‘समाजवादी पेंशन योजने’च्या प्रसारासाठी बॉलीवूडची आघाडीची अभिनेत्री विद्या बालनची निवड करुन आगामी निवडणुकीच्या लोकप्रियतेची रणनिती आखली आहे.
  • उत्तर प्रदेशचे मुख्यमंत्री अखिलेश यादव यांनी (दि.9) रोजी विद्या बालनची समाज पेंशन योजनेची सदिच्छादूत म्हणून नियुक्ती केल्याची अधिकृत घोषणा केली.
  • समाजवादी पेंशन योजन अंतर्गत राज्यातील 50 लाखांहून अधिक महिलांना दरमहा 500 रुपये सरकाकडून दिले जातात.
  • मात्र, लाभ घेणाऱ्या महिलांना आपल्याला मिळणारा लाभ कोणामुळे मिळतो, याची कल्पना नसल्यामुळे विद्या बालनच्या माध्यमातून जनतेपर्यंत योजनेचा प्रसार केला जाणार असल्याची माहिती अखिलेश यांनी कार्यक्रमामध्ये दिली.
  • तसेच यापूर्वी विद्या बालनने केंद्र सरकारच्या योजनेअंतर्गत शौचालय बांधणीचा संदेश दिले आहे.

देशांतर्गत सर्व जलविद्युत प्रकल्पांना अपारंपरिक ऊर्जेचा दर्जा मिळणार :

  • देशातील सर्व जलविद्युत प्रकल्पांना अपारंपरिक ऊर्जेचा दर्जा देण्याबाबत केंद्रीय वीज प्राधिकरणाने ऊर्जा मंत्रालयाला शिफारस केली आहे.
  • जलविद्युत प्रकल्पांना अपारंपरिक ऊर्जेचा दर्जा देण्यासाठी 25 मेगावॉटची मर्यादा आहे.
  • तसेच ही मर्यादा काढून टाकावी व मोठ्यात मोठ्या जलविद्युत प्रकल्पाला अपारंपरिक ऊर्जेचा दर्जा द्यावी, अशी शिफारस उर्जा मंत्रालयाकडे करण्यात आली आहे.
  • जलविद्युत प्रकल्पांना अपारंपरिक दर्जा मिळाल्यास गुंतवणूकदारांचा ओढा त्याकडे वाढणार आहे.

उत्तर प्रदेश सरकारची समाजवादी स्मार्टफोन योजना :

  • विद्यार्थ्यांना मोफत लॅपटॉप दिल्यानंतर उत्तर प्रदेशचे मुख्यमंत्री अखिलेश यादव यांनी आता मोफत स्मार्टफोन देण्याची घोषणा केली आहे.
  • नागरिक आणि सरकार यांच्यात संवाद साधता यावा, यासाठी सरकारने समाजवादी स्मार्टफोन या नावाने योजना सुरू करण्याचे ठरविले आहे.
  • मात्र, या योजनेतून सरकारी कर्मचारी आणि त्यांच्या वारसांना वगळण्यात आले आहे.
  • सरकारच्या विविध योजनांची माहिती थेट नागरिकांपर्यंत पोहचावी, असाही उद्देश या योजनेचा आहे.
  • स्मार्टफोनचे वाटप 2017 मध्ये करण्यात येणार असून, जो पहिला येईल आणि पहिली नोंदणी करेल त्यालाच स्मार्टफोन मिळेणार आहे.
  • तसेच या स्मार्टफोनमध्ये सरकारच्या योजनांची संपूर्ण माहिती ऑडिओ व्हिडिओ स्वरूपात उपलब्ध करण्यात येणार आहे.
  • कोणत्याही प्रकारचा भ्रष्टाचार टाळण्यासाठी या योजनेसाठी ऑनलाइन नोंदणी करण्यात येणार आहे.
  • ज्यांचे वय 1 जानेवारी 2017 रोजी 18 वर्षे झाले आहे आणि ज्यांचे वार्षिक उत्पन्न हे 2 लाखांपेक्षा कमी आहे, तेच या योजनेसाठी अर्ज करू शकतात.
  • उत्तर प्रदेशात झालेल्या 2012 मधील निवडणुकीत समाजवादी पक्षाला पूर्ण बहुमत मिळाले असून, त्यांनी विद्यार्थ्यांना मोफत लॅपटॉप देण्याचे वचन पूर्ण केले आहे.

चालू घडामोडी PDF स्वरुपात मिळविण्यासाठी येथे क्लिक करा

You might also like

Leave A Reply

Your email address will not be published.

MPSC World