Current Affairs of 28 August 2015 For MPSC Exams

Current Affairs 28 Aug 2015

 चालू घडामोडी (28 ऑगस्ट 2015)

स्मार्ट सिटी योजनेत देशातील 98 शहरांचा समावेश :

  • केंद्र सरकारच्या महत्त्वाकांक्षी योजनांपैकी एक असलेल्या स्मार्ट सिटी योजनेला (गुरुवार) प्रारंभ करण्यात आला असून, यामध्ये देशातील 98 शहरांचा समावेश करण्यातSmart City आला आहे.
  • केंद्रीय नगरविकास मंत्री व्यंकय्या नायडू यांनी आज पत्रकार परिषदेत स्मार्ट सिटी योजनेअंतर्गत निवडण्यात आलेल्या शहरांची यादी जाहीर केली.
  • यावेळी त्यांनी केंद्र सरकार पुढील पाच वर्षांमध्ये या शहरांच्या विकासासाठी 48 हजार कोटी रुपयांची रक्कम खर्च करणार असल्याचे सांगितले.
  • तसेच त्यांनी राज्य सराकरही एवढीच रक्कम खर्च करणार असल्याचेही स्पष्ट केले.
  • स्मार्ट सिटी योजनेमध्ये निवडण्यात आलेल्या शहरांमध्ये उत्तर प्रदेशातील सर्वाधिक 13 शहरांचा समावेश आहे.
  • त्यानंतर तमिळनाडूतील 12, महाराष्ट्रातील 10, मध्य प्रदेशातील 7, गुजरात आणि कर्नाटकमधील 6, राजस्थान व पश्चिम बंगालमधील 4, आंध्र प्रदेश आणि बिहारमधील तीन शहरांचा समावेश आहे.
  • जम्मू काश्मीर सरकारने आपल्या दोन शहरांचे नाव प्रसिद्ध करण्यासाठी वेळ मागितला आहे.
  • सरकारने आज जाहीर केलेल्या स्मार्ट सिटीमध्ये 24 राजधानी शहरे आहेत.
  • तसेच 24 व्यापार व औद्योगिक संबंधी आणि 18 सांस्कृतिक व पर्यटन संबंधी शहरे आहेत.
  • यादीतील प्रमुख शहरांमध्ये चेन्नई, अहमदाबाद, मुंबई, हैदराबाद, पाटणा, शिमला, बंगळूर, दमन, कोलकता, गंगटोक आदी शहरांचा समावेश आहे.
Must Read (नक्की वाचा):

चालू घडामोडी (27 ऑगस्ट 2015)

मोदी आणि ओबामा यांच्यात थेट संपर्कासाठी ‘हॉटलाइन’ सुरू :

  • अमेरिकेचे अध्यक्ष बराक ओबामा आणि पंतप्रधान नरेंद्र मोदी यांच्यात थेट संपर्कासाठी संरक्षित दूरध्वनी यंत्रणा (हॉटलाइन) नुकतीच सुरू करण्यात आल्याचे अमेरिकेतर्फेobama जाहीर करण्यात आले आहे.
  • दोन्ही देशांच्या राष्ट्रीय सुरक्षा सल्लागारांमध्येही अशी हॉटलाइन सुरू करण्यात आली आहे.
  • हॉटलाइन सुरू होऊन काही दिवस झाले असले तरी अद्याप त्याचा वापर करण्यात आलेला नाही.
  • अत्यंत जवळच्या दोन भागीदारांना सर्वोच्च पातळीवरून विविध मुद्यांवर चर्चा करण्यासाठी आणि सहकार्य करण्यासाठी ही हॉटलाइन सुरू केली आहे.
  • देशाच्या सर्वोच्च नेत्यांमध्ये चर्चेसाठी असलेली भारताची ही पहिलीच हॉटलाइन असून, अमेरिकेबरोबर हॉटलाइन असलेला भारत हा फक्त चौथाच देश आहे.
  • चीन, रशिया आणि ब्रिटनबरोबरही अमेरिकेचा हॉटलाइनद्वारे संपर्क आहे.
  • परराष्ट्र सचिव पातळीवर भारत आणि पाकिस्तान यांच्यामध्ये हॉटलाइन सुरू करण्याचा निर्णय 2004 मध्ये होऊन ती अमेरिकी लष्कराच्या मदतीने सुरू करण्यात आली आहे.
  • तसेच, चीनबरोबरही परराष्ट्रमंत्री पातळीवरील हॉटलाइन सुरू करण्याचे 2010 मध्ये ठरले आहे.
  • परंतु चीनबरोबरील हॉटलाइन अद्याप कार्यान्वित झालेली नाही.

विविध सामुग्रीवापरून 10 वस्तू तयार करणारे “थ्री डी” प्रिंटर तयार :

  • एकाच वेळी विविध सामुग्री (मटेरियल) वापरून 10 वस्तू तयार करणारे “थ्री डी” प्रिंटर तयार केल्याचा दावा मॅसेच्युसेट्‌स इन्स्टिट्युट ऑफ टेक्‍नॉलॉजीतील (एमआयटी) संशोधकांनी केला आहे.
  • “थ्री डी” प्रिंटिंग तंत्रज्ञानाद्वारे एखाद्या वस्तूच्या त्रिमितीय प्रतिमेद्वारे एका वेळी एकच मटेरियल असलेली एकच वस्तू तयार करता येणे शक्‍य आहे.
  • मात्र एकाच वेळी विविध मटेरियल्स वापरून तब्बल 10 वस्तू तयार करण्याची क्षमता असलेले प्रिंटर एमआयटीतील संशोधकांनी विकसित केले आहे.
  • या प्रिंटरला “मल्टिफॅब” असे नाव देण्यात आले असून इलेक्‍ट्रिकल, मेकॅनिकल आदी क्षेत्रात विविध वस्तू तयार करण्यासाठी हे तंत्र उपयोगी ठरेल असा विश्‍वास संशोधकांनी व्यक्त केला आहे.
  • यापूर्वी दोन किंवा तीन मटेरियल्सद्वारे “थ्री डी” प्रिंटिंग करता येणे शक्‍य होते.
  • मात्र आम्ही या क्षमता वाढवून एकाच वेळी 10 वेगवेगळ्या मटेरियल्सद्वारे दहा वेगवेगळ्या वस्तू तयार करण्याचे तंत्र शोधले आहे.
  • तसेच हे प्रिंटर 40 मायक्रॉन पर्यंतच्या दर्जाची वस्तू तयार करू शकत असल्याचेही पुढे म्हटले आहे.
  • या प्रिंटरची सुरुवातीची विक्री किंमत 7 हजार डॉलर निश्‍चित करण्यात आली असून अद्याप ते विक्रीसाठी उपलब्ध करून देण्यात आलेले नाही.

पतंजली आयुर्वेद कंपनीने अधिकृतरित्या भागीदारी जाहीर केली :

  • संरक्षण संशोधन आणि विकास संस्था (डीआरडीओ) आणि योगगुरू रामदेव बाबा यांच्या पतंजली आयुर्वेद कंपनीने अधिकृतरित्या भागीदारी जाहीर केली.
  • आता डीआरडीओने विकसीत केलेल्या आयुर्वेदिक सप्लीमेंट्स आणि अन्न पदार्थांची देशात व परदेशात विक्री तसेच जाहिरात रामदेव बाबा करणार आहेत.
  • यासाठी सरंक्षण मंत्री मनोहर पर्रिकर, लष्कर प्रमुख दलबीर सिंग सुहाग, डीआरडीओ प्रमुख एस. क्रिस्तोफर आणि रामदेव बाबा यांच्या उपस्थित एक करार करण्यात आला.
  • पतंजली योगपीठ आणि ‘डीआरडीओ’च्या डिफेंस इन्स्टिट्युट ऑफ हाय अल्टिट्युड रिसर्च (DIHAR) मध्ये हा करार झाला.
  • या करारानुसार ‘डीआरडीओ’च्या लेह येथील ‘डीआयएचएआर’ या प्रयोगशाळेत उत्पादनांची चाचणी होणार आहे.
  • या प्रयोगशाळेत शेती व प्राण्यांवर आधारित उत्पादनांचे विकसन केले जाते.
  • उत्पादनांच्या तपासणीसाठी या प्रयोगशाळेचा वापर होईल आणि तयार होणाऱ्या उत्पादनांची विक्री व जाहिरातीसाठी पतंजली योगपीठ मदत करेल.
  • याशिवाय ‘डीआयएचएआर’ आणि पतंजली यांच्यात तांत्रिक देवाण-घेवाण देखील होणार आहे.
  • ‘डीआयएचएआर’ रामदेव बाबांच्या पतंजली योगपीठाला आपली पाच उत्पादने कशी तयार करायची याची तांत्रिक माहिती देणार आहे.

यू मुंबा संघाला प्रो कबड्डी लीगच्या दुसऱ्या हंगामातील विजेतेपद प्राप्त :

  • अनुप कुमारच्या नेतृत्वाखालील यू मुंबा संघाने प्रो कबड्डी लीगच्या दुसऱ्या हंगामातील विजेतेपद प्राप्त केले. Pro Kabaddi League 2015
  • अखेरच्या काही मिनिटांपर्यंत उत्कंठा टिकवणाऱ्या अंतिम सामन्यात यू मुंबाने बंगळुरू बुल्सचा 36-30 असा पराभव केला.
  • प्रो कबड्डी लीगच्या दुसऱ्या हंगामातील विजेत्याला 1 कोटी रुपये आणि चषक देण्यात आले.
  • तसेच उपविजेत्याला 50 लाख तसेच तिसऱ्या आणि चौथ्या क्रमांकावरील संघाला अनुक्रमे 30 आणि 20 लाख रुपयांचे पारितोषिक देण्यात आले.

‘पहल’ योजनेचे नाव आता गिनीज बुकमध्ये :

  • विविध प्रकारची अनुदाने थेट बँक खात्यात जमा करण्याच्या तेल व पेट्रोलियम कंपन्यांच्या व्यवहारांची वाढती संख्या आणि त्याची गती या मुद्यावर ‘पहल’ योजनेचे नाव Guinness world recordआता गिनीज बुकमध्ये नोंदले गेले आहे.
  • ‘प्रत्यक्ष हस्तांतरण लाभ’ (पहल) असे या योजनेचे नाव असून अनुदानाची रक्कम लाभार्थीच्या खात्यात जमा करण्याच हा जगातील सर्वात मोठा यशस्वी प्रयोग ठरला आहे.
  • या विक्रमीच गिनीज बुकमध्ये नोंद व्हावी याकरिता इंडियन ऑईल कंपनीने एक अर्ज गिनीज बुक व्यवस्थापनाकडे केला होता. तसेच, आपल्या दाव्याच्या पुष्ठर्थ्य आकडेवारीदेखील सादर केली.
  • अशा प्रकारची योजना राबविणाऱ्या देशांतील आकडेवारीचा आढावा घेतल्यानंतर आणि त्यानंतर भारतातील दाव्याची सत्यता पटल्यानंतर हा या विक्रमाची नोंद करण्यात आली आहे.

जागतिक अजिंक्यपद अ‍ॅथलेटिक्स स्पर्धात बोल्टला सुवर्णपदक :

  • जागतिक अजिंक्यपद अ‍ॅथलेटिक्स स्पर्धेत बोल्टने 9.79 सेकंदात 100 मीटरचे अंतर पूर्ण करून जेतेपद कायम राखले.
  • अमेरिकेच्या जस्टीन गॅटलीनकडून त्याला कडवी टक्कर मिळाली.
  • गॅटलीनने 9.80 सेकंदाज शर्यत पूर्ण केली.
  • अवघ्या 0.1 सेकंदाच्या फरकाने गॅटलीनचे सुवर्णपदक हुकले.
  • कॅनडाचा अ‍ॅड्रे डे ग्रासे (9.92 से.) आणि अमेरिकेचा ट्रायव्हॉन ब्रोमेल (9.92 से.) यांनी समान वेळ नोंदविल्यामुळे संयुक्तरित्या कांस्यपदक देण्यात आले.

दिनविशेष :

  • 1609 : गॅलेलियोने आपल्या प्रथम दुर्बिणीचे प्रात्यक्षिक दाखवले.
  • 1718 : न्यू ऑर्लिअन्स शहराची स्थापना.
You might also like
Leave A Reply

Your email address will not be published.

MPSC World