Complete Guidance For MPSC Exams, Current Affairs, Rajyaseva, PSI, STI Exams, Job Alerts 2020

Current Affairs of 26 September 2015 For MPSC Exams

चालू घडामोडी (26 सप्टेंबर 2015)

चालू घडामोडी (26 सप्टेंबर 2015)

रिझर्व्ह बॅंक ऑफ इंडियाच्या एटीममध्ये 50 रुपयांच्या नोटा उपलब्ध :

  • रिझर्व्ह बॅंक ऑफ इंडियाने देशभरातील सर्व बॅंकांना एटीममध्ये 50 रुपयांच्या नोटा उपलब्ध करून देण्याचे निर्देश दिले आहेत.
  • त्यानुसार बॅंकांची कारवाई सुरु असल्याचे वृत्त एका हिंदी वृत्तपत्राने दिले आहे.
  • सध्या एटीएममधून केवळ 100, 500 आणि 1000 च्या नोटा काढता येतात.
  • मात्र ग्राहकांच्या सोयीसाठी 50 रुपयांच्या नोटाही एटीएममध्ये उपलब्ध करून द्याव्यात असे निर्देश रिझर्व्ह बॅंकेने देशातील सर्व बॅंकांना दिले आहेत.
  • भारतीय स्टेट बॅंकेने तर रायपूर येथील एटीएममध्ये तर 50 रुपयांच्या नोटा उपलब्ध करून दिल्या आहेत.
  • येत्या काही दिवसात सर्वच बॅंका आपल्या ग्राहकांना 50 च्या नोटा उपलब्ध करून देणार आहेत.
  • यापूर्वी 2013 मध्ये रिझर्व्ह बॅंकेने देशातील सर्व बॅंकांना 10, 20 आणि 50 च्या नोटा उपलब्ध करून देण्याची सूचना केली होती.

गोंधळाच्या वातावरणात गुगलला व्हाइस सर्चसाठी कमांड देता येणार :

  • माहिती शोध घेण्यासाठी गर्दीच्या ठिकाणी, गोंधळाच्या वातावरणात, ऍड्रॉईड स्मार्टफोनवरून गुगलला व्हाइस सर्चसाठी कमांड देता येणार असून पूर्वीपेक्षा अधिक अचूक निर्णय Googleमिळणार असल्याची माहिती गुगलने दिली आहे.
  • त्यासाठी गुगलने “व्हाइस सर्च टूल”वर विशेष काम केले आहे.
  • गुगलवर शोध घेण्यासाठी अपेक्षित माहितीबाबत “टेक्‍स्ट सर्च”, “इमेज सर्च” तसेच “व्हाइस सर्च” यापैकी कोणतेही एक इनपुट द्यावे लागते.
  • त्यानंतर गुगल सर्च रिझल्टद्वारे माहिती किंवा माहितीचे स्रोत पुरवितो.
  • मात्र यापूर्वी “व्हाइस सर्च” ही सुविधा फारशी प्रभावी नव्हती. त्यामुळे गुगलने सविस्तर अभ्यास करून आपल्या प्रणालीमध्ये सुधारणा केल्या आहेत.
  • नव्या प्रणालीनुसार गुगल अतिशय जलद गतीने शब्दांना ओळखणार असून संबंधित शब्दांना तत्काळ वेगळे करून अपेक्षित रिझल्ट देणार आहे.
  • विशेष म्हणजे गोंधळाच्या वातावरणातही ही प्रणाली प्रभावीरीत्या काम करणार असल्याचा दावा गुगलने केला आहे.

बराक ओबामा यांनी भारतीय वंशाच्या व्यक्तींची सल्लागार परिषदेवर केली नियुक्ती :

  • अमेरिकेचे राष्ट्रपती बराक ओबामा यांनी भारतीय वंशाच्या तीन अमेरिकन व्यक्तींची सल्लागार परिषदेवर नियुक्ती केली.

    Obama

  • यात प्रीता बंसल, निपुण मेहता आणि जसजित सिंह यांचा समावेश आहे.
  • आपापल्या क्षेत्रातील दिग्गज आणि धर्मनिरपेक्ष व्यक्तींची या परिषदेवर निवड केली जाते.
  • प्रीता बंसल एमआईटीत व्याख्याता आहेत.
  • तसेच निपुण मेहता सर्व्हिस स्पेस या संघटनेचे संस्थापक, तर जसजित सिंह शीख अमेरिकन लीगल डिफेंस अ‍ॅण्ड एज्युकेशन फंडचे कार्यकारी संचालक आहेत.

सिंगापूरमध्ये भारतीय वंशाच्या डॉक्टरला केले सन्मानित :

  • सिंगापूरमध्ये 38 वर्षे वैद्यकीय सेवा पुरविणाऱ्या भारतीय वंशाच्या 75 वर्षीय डॉक्टरला सन्मानित करण्यात आले आहे.
  • डॉ. उमा राजन या हा पुरस्कार स्वीकारणाऱ्या पहिल्या महिला आहेत.
  • राजन यांना कायदा व शिक्षण राज्यमंत्री इंद्राणी राजाह यांच्या हस्ते हा पुरस्कार प्रदान करण्यात आला.
  • समाजाच्या विविध क्षेत्रात सेवा पुरविणाऱ्या महिलांसाठी हा पुरस्कार प्रेरणादायी ठरू शकेल, असे राजन पुरस्कार स्वीकारल्यावर म्हणाल्या.
  • या पुरस्कारासह मिळालेली 10 हजार डॉलर पारितोषिक रक्कम राजन यांनी स्वयंसेवी संस्था, बालकल्याण संस्था आणि आशियाई महिला कल्याण संस्थेला दान केली.

राष्ट्रीय सुरक्षा मंडळाने मंजूर केलेल्या प्रकल्पांची विशेष तपासणी करण्याचा निर्णय :

  • पंतप्रधानांच्या नेतृत्वाखालील राष्ट्रीय सुरक्षा मंडळाने मंजूर केलेल्या प्रकल्पांची विशेष तपासणी करण्याचा निर्णय महालेखापरीक्षकांनी (कॅग) घेतला आहे.
  • संवेदनाक्षम संस्थांना अधिकाधिक जबाबदार करण्याच्या योजनेचा एक भाग म्हणून ‘कॅग’ने हे प्रथमच पाऊल उचलण्याचे ठरविले आहे.
  • राष्ट्रीय सुरक्षा मंडळाने मंजूर केलेल्या प्रकल्पाची विशेष तपासणी करण्याचा प्रस्ताव ‘यूपीए-2’ सरकारच्या राजवटीच्या अखेरच्या कारकीर्दीत मंजूर झाला आणि राष्ट्रीय लोकशाही आघाडी सरकारच्या नव्या राजवटीत त्यास अंतिम मंजुरी मिळाली.
  • अशा प्रकारच्या प्रकल्पांची विशेष तपासणी करण्याचे काम सुरू झाले असून पहिला गोपनीय अहवाल लवकरच अंतिम टप्प्यात येईल, असे ‘कॅग’च्या अधिकाऱ्यांनी सांगितले.
  • ‘नॅशनल टेक्निकल रिसर्च ऑर्गनायझेशन’ची विशेष तपासणी 2010 मध्ये हाती घेण्यात आली.

नरेंद्र मोदी यांनी भारताच्या तिरंग्यावर केलेल्या स्वाक्षरीमुळे तीव्र प्रतिक्रिया :

  • पंतप्रधान नरेंद्र मोदी यांनी भारताच्या तिरंग्यावर केलेल्या स्वाक्षरीमुळे तीव्र प्रतिक्रिया उमटल्या असून मोदी यांनी तिरंग्याच्या नियमावलीचा भंग केला असल्याची टीका करण्यात Narendra Modiआली.
  • शेफ विकास खन्ना यांच्यामार्फत भारताचा राष्ट्रध्वज अमेरिकेचे अध्यक्ष बराक ओबामा यांना देण्यात येणार आहे.
  • ध्वजाच्या संहितेचा भंग झाला आहे किंवा नाही, यासंबंधी वादंग निर्माण झाल्यामुळे हा तिरंगा तेथून अन्यत्र नेण्यात आला.
  • भारतीय ध्वजसंहिता 2002 नुसार, भारताच्या राष्ट्रध्वजावर कोणत्याही प्रकारचा मजकूर लिहिण्यात आल्यास त्यामुळे राष्ट्रध्वजाचा अनादर होतो.

भारत-अमेरिका वाघांच्या संबंधी करार :

  • भारतातील विशिष्ट प्रजातीच्या बंगाली वाघांची संख्या घटत चालली असून त्यांचे संरक्षण व शोध यासाठी भारताला अत्याधुनिक तंत्रज्ञान पुरवण्याची तयारी अमेरिकेने दर्शवली आहे.

    C

  • वन्यजीव संवर्धनासाठी वन्यजीव तस्करी टाळणे आवश्यक आहे, त्यासाठी या तंत्रज्ञानाचा उपयोग होणार आहे.
  • याबाबतच्या समझोता करार मसुद्याला अंतिम रूप देण्यात आले आहे.
  • भारत व अमेरिका यांनी जारी केलेल्या संयुक्त निवेदनात या समझोता कराराचा उल्लेख करण्यात आला होता.
  • भारत-अमेरिका यांच्यातील धोरणात्मक व व्यापारी भागीदारी संवाद कार्यक्रमात हे निवेदन जारी करण्यात आले आहे.
  • भारताच्या व्याघ्र प्रकल्पात वाघांचे व त्यांच्या अधिवासाचे संरक्षण केले जाणार आहे.
  • वाघांची शिकार व तस्करी रोखण्यासाठी दोन्ही देशात करार झाला.
  • परराष्ट्र खात्याच्या निवेदनानुसार वाघांचा अधिवास, वैज्ञानिक माहितीचे नियोजन, वन्यजीव संवर्धन व धोक्यात असलेल्या प्रजातीतील वाघांची संख्या वाढवणे यावर भर दिला जाणार आहे.
  • यात कायदा अंमलबजावणीतही अधिक मदत होणार असून वन्यजीवांची बेकायदा तस्करी रोखली जाणार आहे.
  • वन्यजीव संवर्धन व तस्करी रोखण्यासाठीच्या या समझोता कराराचे दोन्ही देशांनी स्वागत केले असून यात पर्यावरण व परिसंस्थेतील विविधता राखण्यास मदत होणार आहे.

You might also like

Leave A Reply

Your email address will not be published.

MPSC World