चालू घडामोडी (25 जुलै 2015)
इस्लामाबादला भूकंपाचा धक्का :
- पाकिस्तानची राजधानी इस्लामाबादसह अन्य काही शहरांना आज पहाटे दोनच्या सुमारास भूकंपाचा धक्का बसला.
- अमेरिकेच्या भूगर्भशास्त्र विभागाने दिलेल्या माहितीनुसार, पहाटे दोनच्या सुमारास झालेल्या भूकंपाचा तीव्रता रिश्टर स्केलवर 5.1 इतकी मोजण्यात आली आहे.
- इस्लामाबादपासून 15 किमी ईशान्येला भूकंपाचा केंद्रबिंदू होता.
- इस्लामाबादसह रावळपिंडी, पेशावर, ऍबोटाबाद या शहरांतही धक्का जाणवले.
Must Read (नक्की वाचा):
चीनचा दुसऱ्या अपत्याच्या जन्मास परवानगी देण्याचा विचार :
- जगात सर्वाधिक लोकसंख्या असलेला चीन गेल्या अनेक वर्षांपासून “हम दो हमारा एक” अशा धोरणाचे पालन करीत आहे.
- मात्र, आता हा देश दुसऱ्या अपत्याच्या जन्मास परवानगी देण्याचा विचार करीत आहे.
- चीन आता आपल्या “एक मूल” धोरणात बदल करून जोडप्याला दुसरे मूल जन्मास घालू देण्याची परवानगी देऊ शकतो.
- सध्या चीनची लोकसंख्या 1.4 अब्ज आहे. 1.2 अब्ज लोकसंख्येसह भारत दुसऱ्या स्थानावर आहे.
- लोकसंख्येनुसार पहिले पाच देश
- चीन : 140 कोटी
- भारत : 128 कोटी
- अमेरिका : 32 कोटी
- इंडोनेशिया : 25 कोटी
- ब्राझील : 20 कोटी
पाकिस्तान चीनकडून आठ पाणबुड्या खरेदी करणार :
- पाकिस्तान चीनकडून आठ पाणबुड्या खरेदी करणार आहे.
- पाकिस्तानचे अर्थमंत्री इशाक दार आणि चीनच्या “शिप बिल्डिंग अँड ऑफशोअर इंटरनॅशनल कंपनी लिमिटेड”चे अध्यक्ष झु झिकीन यांच्यात अधिकृत करार झाला आहे.
- चार वेगवेगळ्या टप्प्यांमध्ये पाकिस्तान चीनला पैसे देणार असून, पुढील वर्षी या पाणबुड्या अधिकृतपणे पाक सरकारकडे सोपविल्या जातील.
गुजरात मंत्रिमंडळाची आणखी तीन कायद्यांमधील सुधारणांच्या अध्यादेशास मंजुरी :
- स्थानिक स्वराज्य संस्थांच्या निवडणुकीमध्ये सामान्य नागरिकांना मतदानाचा हक्क बजावणे सक्‍तीचे केल्यानंतर आज गुजरात मंत्रिमंडळाने आणखी तीन कायद्यांमधील सुधारणांच्या अध्यादेशास मंजुरी दिली आहे.
- या अध्यादेशामुळे आता विविध स्थानिक स्वराज्य संस्थांमधील लोकनियुक्‍त सदस्यांनी मतदानाचा हक्क न बजावल्यास त्यांचे सदस्यत्वही रद्द होईल.
- तसेच यासंबंधीची अधिसूचना लवकरच जारी केली जाणार आहे.
- गुजरात स्थानिक स्वराज्य संस्था कायद्यान्वये मतदान करणे अनिवार्य करण्याचा सरकारचा विचार आहे.
- गुजरात प्रांतीय महानगरपालिका कायदा-1949, गुजरात महापालिका कायदा-1923 आणि गुजरात पंचायत कायदा-1963 या कायद्यांमधील सुधारणांस राज्य मंत्रिमंडळाने मान्यता दिली आहे.
ब्रीज प्रशिक्षण कार्यक्रम राबविण्याच्या दृष्टीने सामंजस्य करार :
- बॉश कंपनी आणि शासकीय औद्योगिक प्रशिक्षण संस्था (आयटीआय) यांच्यात रिस्पॉन्स टू इंडिया डेव्हलपमेंट अ‍ॅण्ड ग्रोथ थ्रु एम्प्लॉयब्लिटी एन्हान्समेंट (ब्रीज) हा प्रशिक्षण कार्यक्रम राबविण्याच्या दृष्टीने सामंजस्य करार करण्यात आला.
- मुख्यमंत्री देवेंद्र फडणवीस यांच्या उपस्थितीत राज्याचे उच्च व तंत्रशिक्षणमंत्री विनोद तावडे व बॉश कंपनीचे महाव्यवस्थापक मोहन पाटील यांनी करारावर स्वाक्षऱ्या केल्या.
- शिक्षण अर्धवट सोडलेल्या परंतु रोजगाराच्या शोधात असलेल्या 18 ते 25 वर्षे वयोगटातील उमेदवारांकरिता औद्योगिक आस्थापनांमधील रोजगाराकरिता आवश्यक असलेले कौशल्य विकसित करण्याकरिता ब्रीज कोर्स राबवण्यात येणार आहे.
- आयटीआय व उर्वरित 24 संस्थांमध्ये बॉश आस्थापनांच्या वतीने हा प्रशिक्षण कार्यक्रम राबवण्यात येईल.
‘एलबीटी’पासून अंशत: मुक्ती मिळणार :
- महानगरपालिकांच्या हद्दीतील व्यापाऱ्यांना ‘एलबीटी’पासून अंशत: मुक्ती मिळणार आहे.
- 1 ऑगस्ट ‘एलबीटी’ नियम काही प्रमाणात शिथिल करण्याची तयारी सुरू केली आहे.
- 1 ऑगस्टपासून ‘एलबीटी’ रद्द केला जाईल, अशी घोषणा राज्य सरकारने केलेली आहे.