चालू घडामोडी (25 ऑगस्ट 2015)
संगणकाच्या साह्याने यांत्रिक आवाजाद्वारे संवाद :
- जगप्रसिद्ध भौतिकशास्त्रज्ञ स्टीफन हॉकिंग हे गेली अनेक वर्षे संगणकाच्या साह्याने यांत्रिक आवाजाद्वारे संवाद साधत आहेत.
- यासाठी ते इंटेल कंपनीने तयार केलेले सॉफ्टवेअर वापरतात.
- हे सॉफ्टवेअर या कंपनीने आता ऑनलाइन उपलब्ध करून दिले आहे.
- संशोधक या सॉफ्टवेअरचा गरज असलेल्या रुग्णांसाठी वापर करतील आणि त्यात सुधारणाही करतील, अशी आशा ठेवून कंपनीने हे पाऊल उचलले आहे.
- हे सॉफ्टवेअर दृश्‍य संकेतांच्या शब्दांत रूपांतर करून त्याचे यंत्राद्वारे उच्चारण होते.
- हॉकिंग यांना मोटार न्यूरॉन हा दुर्मिळ रोग असल्याने त्यांच्या शरीरावर त्यांचा ताबा नाही.
- त्यामुळे केवळ त्यांच्यासाठी म्हणून इंटेलने तयार केलेल्या या सॉफ्टवेअरचा वापर असा आजार झालेल्या अनेकांनी केला आहे.
- द असिस्टिव्ह कॉंटेक्‍स्ट अवेअर टूलकिट (एसीएटी) असे या सॉफ्टवेअरचे नाव आहे.
- हॉकिंग यांच्या गालामधील स्नायूंच्या हालचाली ओळखून त्याचे शब्दांमध्ये रूपांतर करण्याचे काम हे सॉफ्टवेअर करते.
- तसेच हे सॉफ्टवेअर मायक्रोसॉफ्ट विंडोज 7 अथवा त्यापुढील व्हर्जनवर चालते.
- याबाबतची सर्व माहिती GitHub या संकेतस्थळावर उपलब्ध असल्याचेही सांगण्यात आले आहे.
Must Read (नक्की वाचा):
हर की पौडी येथे भाविकांना मोफत वाय-फाय सुविधा :
- देहरादून येथील हर की पौडी येथे भाविकांना मोफत वाय-फाय सुविधा मिळणार आहे.
- भाविकांची संख्या आणि गरज लक्षात घेता मोफत वाय-फाय देण्यासाठी प्रयत्नशील असल्याचे तरुण विजय यांनी सांगितले.
श्री रामचरितमानसची 105 वर्षांची जुनी उर्दू प्रत आढळून आली :
- श्री रामचरितमानसची 105 वर्षांची जुनी उर्दू प्रत रद्दीमध्ये आढळून आली आहे.
- नवी दिल्ली येथील एका रद्दी डेपोमध्ये ही प्रत आढळली.
- ही उर्दू प्रत सन 1910 मध्ये लाहोरमध्ये छापण्यात आली होती.
- रद्दी डेपोमधून सहाशे रुपयांना ती विकत घेण्यात आली.
- पाकिस्तानमधील भादोई जिल्ह्यातील लेखक गोस्वामी तुलसीदास, शिव भरत लाल यांनी उर्दू भाषेत सन 1904 मध्ये लिखाण केले होते.
- यानंतर सन 1910 मध्ये लाहोरमधील हाल्फ-टन या प्रेसमध्ये छपाई करण्यात आली होती.
- यामध्ये 20 पाने असून राम, सीता, हनुमान, ब्रह्म, विष्णू व महेश यांची चित्रे आहेत.
‘मॅगी नूडल्स’ची बाजारात विक्री करण्याचा निर्णय :
- मुंबई उच्च न्यायालयाकडून दिलासा मिळाल्यानंतर नेस्ले इंडियाने पुन्हा एकदा ‘मॅगी नूडल्स’ची बाजारात विक्री करण्याचा निर्णय घेतला आहे.
- लवकरच सर्व नियामक परवानग्या मिळाल्यानंतर वर्षअखेरपर्यंत नवे मॅगी नूडल्स बाजारात विक्रीसाठी उपलब्ध होतील, अशी माहिती नेस्ले इंडियाकडून देण्यात आली आहे.
- मॅगीमध्ये आरोग्यास हानिकारक द्रव्याचे मर्यादेपेक्षा अधिक प्रमाण असल्याने आढळून आल्याने ‘नेस्ले इंडिया’च्या मॅगी नूडल्सच्या उत्पादनावर सरकारने 5 जून रोजी देशभर बंदी घातली होती.
- त्यानंतर नेस्लेला मॅगी नूडल्सची पाकीटे नष्ट करावी लागली होती.
- परंतु आता नव्याने उत्पादन करताना मॅगी नूडल्समधील घटक पदार्थ कायम राहणार असून त्याच्या उत्पादन कृतीत बदल करण्यात येणार नाही, असेही कंपनीने सांगितले आहे.
- याआधी मुंबई उच्च न्यायालयाच्या आदेशानुसार पंजाब, हैदराबाद व जयपूरमधील राष्ट्रीय दर्जाच्या प्रयोगशाळांमध्ये मॅगीच्या नमुन्यांची चाचणी करण्यात येणार आहे.
- सहा आठवड्यात मॅगीची चाचणी प्रक्रिया पुर्ण होईल त्यानंतर नवी उत्पादने करून पुन्हा एकदा चाचणी करण्यात येणार आहे.
श्रीलंकेचा दिग्गज क्रिकेटपटू कुमार संगकाराचा निरोप :
- 15 वर्षांच्या देदीप्यमान कारकिर्दीनंतर आंतरराष्ट्रीय क्रिकेटमधून निवृत्ती स्वीकारणारा श्रीलंकेचा दिग्गज क्रिकेटपटू कुमार संगकारा निरोप समारंभात भावुक झाला.
- सामन्यानंतर झालेल्या निरोप समारंभात दिग्गजांनी संगकाराला एकापाठोपाठ एक स्मृतिचिन्ह प्रदान केले आणि भविष्यासाठी शुभेच्छा दिल्या.
सातव्यांदा सिनसिनाटी मास्टर्स टेनिस स्पर्धेचे विजेतेपद :
- स्वीसचा दिग्गज रॉजर फेडरर याने जगातील नंबर वन खेळाडू नोव्हाक जोकोविच याचा 7-6, 6-3 असा पराभव करून सातव्यांदा सिनसिनाटी मास्टर्स टेनिस स्पर्धेचे विजेतेपद पटकावले.
- फेडररने उपांत्य फेरीत अँडी मरेला पराभूत केल्यानंतर जोकोविचला विजेतेपदाच्या लढतीत धूळ चारली.
- विम्बल्डन फायनलमध्ये जोकोविचकडून पराभूत झाल्यानंतर रॉजर फेडरर पहिलीच स्पर्धा खेळत होता.
- या विजयामुळे मरेला पिछाडीवर टाकून फेडरर दुसऱ्या स्थानावर कब्जा करणार आहे.
- फेडररचे हे 87 वे एटीपी विजेतेपद आणि 24 वे मास्टर्स ट्रॉफीचे अजिंक्यपद आहे.
स्टेट बँकेचे अ‍ॅप ‘बडी’ या नावाने प्रस्तूत :
- देशातील सर्वात मोठय़ा भारतीय स्टेट बँकेने आपल्या ग्राहकांसाठी मोबाइलद्वारे कैक प्रकारचे बँकिंग व्यवहार शक्य करणारे अ‍ॅप ‘बडी’ या नावाने प्रस्तूत केले.
- अनेक प्रकारच्या देयकांचा भरणा, सिनेमा, विमान प्रवास तिकिटांचे आरक्षण, हॉटेल बुकिंग यासाठी केवळ मोबाइल फोनचा वापर या अ‍ॅपद्वारे शक्य होईल.
- अ‍ॅक्सेन्च्युअर आणि मास्टरकार्ड यांच्या सहयोगाने बनविलेले हे अ‍ॅपद्वारे व्यवहार सुरक्षित व विनासायास असण्याबरोबरच, त्यात देयकांचा भरणा करण्याच्या तारखांचे स्मरण करून देणारे गजर हे अतिरिक्त वैशिष्टय़ आहे.
आयसीआयसीआय बँकेची ‘स्मार्ट व्हॉल्ट’ सुविधा :
- खासगी क्षेत्रातील अग्रेसर आयसीआयसीआय बँकेनेही तिच्या सेवेतील डिजिटल संक्रमणाची चुणूक दाखविताना, 18 ऑगस्ट रोजी ‘स्मार्ट व्हॉल्ट’ नावाची नवीन सुविधा प्रस्तुत केली.
- या सुविधेचा विकास बँकेने भारतीय कंपन्यांच्या भागीदारीतूनच केला असल्याने, देशाने अवलंबिलेल्या मेक इन इंडिया कार्यक्रमाच्या फलश्रुतीचेही उदाहरण प्रस्तुत करण्यात आले आहे.
- स्मार्ट व्हॉल्ट सुविधा म्हणजे व्यक्तिगत खातेदारांना महत्त्वाचे दस्तऐवज जतन करण्याचा व केव्हा-कधीही विनासायास उपलब्ध होणारा डिजिटल कुलूपबंद खण असून, बहुस्तरीय सुरक्षा प्रणाली आणि बायोमेट्रिक व पिनद्वारे शहानिशा करूनही ते उघडता येणार आहे.
- हे डिजिटल खण वेगवेगळ्या दोन-तीन आकारांत उपलब्ध करण्यात येणार असून, आकारमानानुसार या सुविधेसाठी शुल्क निश्चित करण्यात आले आहे.
दिनविशेष :
- 1609 : गॅलेलियोने आपल्या प्रथम दुर्बिणीचे प्रात्यक्षिक दाखवले.
- 1718 : न्यू ऑर्लिअन्स शहराची स्थापना.