Complete Guidance For MPSC Exams, Current Affairs, Rajyaseva, PSI, STI Exams, Job Alerts 2020

Current Affairs of 23 September 2016 For MPSC Exams

चालू घडामोडी (23 सप्टेंबर 2016)

चालू घडामोडी (23 सप्टेंबर 2016)

अमेरिकेत भारताचे नवे राजदूत नवतेज सरना :

  • ब्रिटनमधील भारताचे उच्चायुक्त नवतेज सरना यांची अमेरिकेतील भारताचे राजदूत म्हणून नियुक्ती झाली आहे.
  • भारताचे अमेरिकेतील राजदूत अरुण सिंग हे निवृत्त होत असून, सरना हे लवकरच त्यांची जागा घेतील, असे परराष्ट्र मंत्रालयाने म्हटले आहे.
  • श्रीलंकेतील भारताचे उच्चायुक्त यश सिन्हा यांच्या जागी तरणजितसिंग सिद्धू यांची नियुक्ती झाली आहे.
  • भारतीय परराष्ट्र सेवेचे (आयएफएस) 1980 च्या बॅचचे असलेल्या सरना यांनी परराष्ट्र मंत्रालयाचे प्रवक्ते म्हणून बराच काळ काम केले आहे.
  • अत्यंत मुत्सद्दी अधिकारी म्हणून त्यांची ओळख आहे.
  • अमेरिकेच्या अध्यक्षपदासाठी येत्या आठ नोव्हेंबर रोजी होणाऱ्या निवडणुकीच्या पार्श्‍वभूमीवर त्यांना प्रशासकीय कारभार सांभाळायचा आहे.
  • राजदूत म्हणून सूत्रे स्वीकारल्यानंतर भारत-अमेरिका संबंध कायम राखण्याचे त्यांच्यापुढे आव्हान असेल.
  • सरना यांनी 2008 ते 2012 या काळात इस्राईलमध्ये भारताचे राजदूत म्हणूनही जबाबदारी सांभाळली आहे.
  • परराष्ट्र मंत्रालयात विविध देशांसाठी अतिरिक्त सचिव म्हणून काम पाहत होते.
  • मॉस्के, वॉर्सा, तेहरान, जीनिव्हा, थिंपू आणि वॉशिंग्टन येथील आंतरराष्ट्रीय चर्चांमध्ये भारताचे प्रतिनिधित्व केले आहे.

तमीळ चित्रपट ‘विसरनाई’ ऑस्करच्या शर्यतीत :

  • राष्ट्रीय पुरस्कारप्राप्त तमीळ चित्रपट विसरनाई या वर्षीच्या ऑस्करमधील उत्कृष्ट परदेशी चित्रपटांच्या गटात भारताचे अधिकृत प्रतिनिधित्व करणार आहे.
  • ‘पुढील वर्षीच्या ऑस्करमध्ये परदेशी चित्रपटांच्या गटातील 29 चित्रपटांच्या स्पर्धेत भारताचा विसरनाई असेल,’ अशी माहिती फिल्म फेडरेशन ऑफ इंडियाचे सरचिटणीस सुप्रन सेन यांनी दिली.
  • गुन्हेगारीपट असलेल्या विसरनाई चित्रपटाचा निर्माता अभिनेता धनुष हा असून, त्याचे लेखन व दिग्दर्शन वेत्रीमारन यांनी केले आहे.
  • एम. चंद्रकुमार यांच्या ‘लॉक अप’ कादंबरीवर हा चित्रपट आधारित आहे.
  • दिनेश रवी, आनंदी आणि आडुकुलम मुरुगदास यांच्या चित्रपटात प्रमुख भूमिका आहेत.
  • पोलिसी क्रौर्य, भ्रष्टाचार आणि निरागसतेचा होणारा लोप याचे दर्शन चित्रपट घडवितो.
  • तसेच या चित्रपटाला उत्कृष्ट तमीळ चित्रपट, उत्कृष्ट सहायक अभिनेता समुथीरकनी आणि उत्कृष्ट संपादन किशोर टी असे तीन राष्ट्रीय पुरस्कार मिळाले आहेत.
  • व्हेनिस चित्रपट महोत्सवात चित्रपटाला ‘ऍम्नेस्टी इंटरनॅशनल इटालिया ऍवार्ड’ मिळाला होता.

भारतातील सर्वात श्रीमंत व्यक्ती मुकेश अंबानी :

  • रिलायन्स इंडस्ट्रीजचे अध्यक्ष मुकेश अंबानी यांनी पुन्हा एकदा भारतातील सर्वांत श्रीमंत व्यक्ती होण्याचा मान मिळविला.
  • तब्बल 22.7 अब्ज डॉलरच्या संपत्तीसह अंबानी हे नवव्यांदा भारतातील सर्वाधिक श्रीमंत व्यक्ती ठरले आहेत.
  • फोर्ब्ज मासिकाने भारतातील आघाडीच्या शंभर श्रीमंत व्यक्तींच्या प्रसिद्ध केलेल्या यादीनुसार, मुकेश अंबानी सर्वाधिक श्रीमंत व्यक्ती असून, त्यांच्या नंतर सन फार्माचे दिलीप शांघवी हे दुसऱ्या क्रमांकाचे श्रीमंत भारतीय ठरले आहेत.
  • हिंदुजा कुटुंबाने 15.2 अब्ज डॉलर संपत्तीसह तिसऱ्या क्रमांकावर स्थान मिळविले.
  • विप्रोचे अध्यक्ष अझीम प्रेमजी हे एक क्रमांकाने खाली जात चौथ्या क्रमांकावर आले आहेत.
  • विशेष म्हणजे, पतंजली आयुर्वेदचे आचार्य बाळकृष्ण यांनादेखील यादीत 48 व्या क्रमांकावर स्थान प्राप्त झाले आहे.

जगातील सर्वोत्कृष्ट विद्यापीठांत ‘आयआयएससी’ चा समावेश :

  • जगभरातील सर्वोत्कृष्ट विद्यापीठांच्या यादीमध्ये भारतीय विज्ञान संस्थेने (आयआयएससी) आतापर्यंतचा सर्वोत्तम क्रमांक पटकाविला आहे.
  • टाइम्स हायर एज्युकेशन (‘द’) या संस्थेने ही यादी सर्वेक्षणानंतर प्रसिद्ध केली आहे.
  • भारतीय विज्ञान संस्थेने जागतिक क्रमवारीत 201 ते 250 या गटात स्थान मिळविले आहे.
  • सत्तर देशांमधील 980 विद्यापीठांमध्ये भारतातील केवळ 31 विद्यापीठांना स्थान मिळविता आले आहे.
  • ऑक्‍सफर्ड विद्यापीठ या क्रमवारीत पहिल्या स्थानावर असून, मागील बारा वर्षांत प्रथमच ब्रिटनमधील विद्यापीठाने प्रथम क्रमांक पटकाविला आहे.
  • भारतातील 31 संस्थांपैकी सात संस्था या आयआयटी असून, आयआयटी मुंबई यात आघाडीवर (351 ते 400) आहे.
  • तसेच याशिवाय दिल्ली, कानपूर, मद्रास, खरगपूर, रुरकी आणि गुवाहाटी हे आयआयटीदेखील यादीत आहेत.
  • नॅशनल इन्स्टिट्यूट ऑफ टेक्‍नॉलॉजी (रुरकेला), श्री वेंकटेश्‍वर विद्यापीठ, टाटा मूलभूत संशोधन संस्था आणि तेजपूर विद्यापीठ या चार संस्था यादीत स्थान मिळविण्यात प्रथमच यशस्वी झाल्या आहेत.
  • ‘द’च्या यादीत पहिल्या दहा क्रमांकांवर अमेरिका आणि ब्रिटनमधील विद्यापीठांचेच वर्चस्व आहे.
  • ऑक्‍सफर्डशिवाय केंब्रिज आणि इम्पेरिअल कॉलेज ऑफ लंडन या संस्था पहिल्या दहामध्ये आहेत.

‘किंगफिशर’च्या अधिकाऱ्याला कारावासाची शिक्षा :

  • किंगफिशर एअरलाइन्सचे मुख्य वित्तीय अधिकारी ए. रघुनाथन यांना धनादेश न वटल्याप्रकरणी, दोन खटल्यांत येथील न्यायालयाने अठरा महिन्यांची शिक्षा सुनावली.
  • तसेच या खटल्यांमध्ये उद्योगपती विजय मल्ल्या यांनाही दोषी ठरविण्यात आले आहे.
  • विशेष न्यायालयाचे न्यायदंडाधिकारी एम.कृष्ण राव यांनी रघुनाथन यांना दोन्ही खटल्यांत प्रत्येकी 20 हजार रुपये दंडाची शिक्षाही सुनावली आहे.
  • रघुनाथन हे याआधी अनेकवेळा न्यायालयात उपस्थित न राहिल्याने शिक्षेची सुनावणी पुढे ढकलण्यात आली होती.
  • किंगरफिशर एअरलाइन्स, मल्ल्या आणि रघुनाथन यांना न्यायालयाने या दोन खटल्यांमध्ये 20 एप्रिल रोजी दोषी ठरविले होते.
  • किंगफिशर एअरलाइन्सने जीएमआर हैदराबाद इंटरनॅशनल एअरपोर्ट लिमिटेडला दिलेले प्रत्येकी 50 लाख रुपयांचे दोन धनादेश न वटल्याप्रकरणी हे खटले दाखल करण्यात आले होते.

चालू घडामोडी PDF स्वरुपात मिळविण्यासाठी येथे क्लिक करा

You might also like

Leave A Reply

Your email address will not be published.

MPSC World