Complete Guidance For MPSC Exams, Current Affairs, Rajyaseva, PSI, STI Exams, Job Alerts 2020

Current Affairs of 21 April 2016 For MPSC Exams

चालू घडामोडी (21 एप्रिल 2016)

चालू घडामोडी (21 एप्रिल 2016)

राष्ट्रीय जलविज्ञान प्रकल्पाला केंद्र सरकारची मान्यता :

  • राष्ट्रीय जलविज्ञान प्रकल्पाच्या अंमलबजावणीला केंद्रीय मंत्रिमंडळाने मान्यता दिली.
  • तसेच 3679.76 कोटी रुपयांची ही केंद्रीय योजना आहे, यामध्ये 3640 कोटी रुपये राष्ट्रीय जलविज्ञान प्रकल्पासाठी तर 39.76 कोटी रुपये राष्ट्रीय जलसूचना केंद्रासाठी ठेवण्यात आले आहेत.
  • प्रकल्पाच्या 50 टक्के रक्कम जागतिक बँकेकडून कर्ज रुपात मिळणार आहे.
  • केंद्र सरकार हे कर्ज फेडणार आहे. उर्वरित 50 टक्के रक्कम केंद्रीय सहाय्यतेच्या रुपात मिळेल, दोन टप्प्यात हा प्रकल्प लागू केला जाईल.
  • जलसंसाधन, नदीविकास आणि गंगा पुनरुज्जीवन मंत्रालयाच्या अखत्यारीत स्वतंत्र संस्था म्हणून राष्ट्रीय जल माहिती केंद्राच्या निर्मितीची यात तरतूद आहे.
  • राष्ट्रीय जलविज्ञान प्रकल्पामुळे जल-हवामान-विषयक माहिती एकत्रित करण्यासाठी मदत होईल.
  • वास्तव काळाच्या आधारावर त्याचे विश्लेषणही केले जाईल.
  • आधीचा जलविज्ञान प्रकल्प 13 राज्यांपुरताच मर्यादित होता मात्र आता या प्रकल्पाची व्याप्ती देशभर आहे.
Must Read (नक्की वाचा):

चालू घडामोडी (20 एप्रिल 2016)

मुंबई ते अहमदाबाद ही बुलेट ट्रेन समुद्रातून धावणार :

  • मुंबई ते अहमदाबाद ही बुलेट ट्रेन तब्बल 21 किलोमीटरचे अंतर समुद्रातून धावणार आहे.
  • तसेच त्यामुळे समुद्रातून रेल्वेने प्रवास करण्याचा अनुभव लाखो भारतीयांना मिळणार आहे.
  • मुंबई ते अहमदाबाद या मार्गात 21 किलोमीटर अंतर समुद्रातील असून, तो भाग ठाण्याचा आहे.
  • तसेच तिथे बुलेट ट्रेनसाठी समुद्रामध्ये बोगदे बांधण्यात येणार असल्याची माहिती रेल्वे अधिकाऱ्यांनी दिली.

सुधा मूर्ती यांना रयत माऊली पुरस्कार जाहीर :

  • रयत शिक्षण संस्थेच्या वतीने दिला जाणारा या वर्षीचा ‘रयत माऊली सौ. लक्ष्मीबाई भाऊराव पाटील’ पुरस्कार शिक्षण आणि विविध क्षेत्रांत मोठे योगदान देणाऱ्या सुधा मूर्ती यांना जाहीर झाला आहे.
  • अडीच लाख रुपये, स्मृतिचिन्ह, मानपत्र असे या पुरस्काराचे स्वरूप आहे.
  • दरवर्षी गुढीपाडव्याच्या पूर्वसंध्येला लक्ष्मीबाई पाटील यांच्या पुण्यतिथीच्या कार्यक्रमात या पुरस्काराचे वितरण केले जाते.
  • मात्र, सुधा मूर्ती सध्या अमेरिकेत आहेत, तसेच त्यांच्या सोयीनुसार हा पुरस्कार त्यांना प्रदान केला जाणार आहे.

मुंबई शहर कबड्डी असोसिएशनच्या स्पर्धेत विजय क्लब विजयी :

  • विजय क्लब आणि अमर क्रीडा मंडळ या कसलेल्या संघांनी आपापल्या सामन्यात दणदणीत विजय मिळवताना, आमदार चषक कबड्डी स्पर्धेच्या ‘अ’ गटात विजयी घोडदौड कायम राखली.
  • मुंबई शहर कबड्डी असोसिएशनच्या मान्यतेने विजय बजरंग क्रीडा मंडळाच्या वतीने दादर येथील दत्ता राऊळ मैदानात सुरू असलेल्या या स्पर्धेत विजय क्लबने अत्यंत एकतर्फी झालेल्या सामन्यात श्री साई क्रीडा मंडळाचा 44-12 असा पराभव केला.
  • तसेच मध्यंतरालाच विजय संघाने 18-8 अशी आघाडी घेत सामन्याचे चित्र स्पष्ट केले.
  • अजिंक्य कापरे आणि अमित चव्हाण यांनी तुफानी चढाया करताना प्रतिस्पर्धी संघाचा बचाव भेदला, तर साई संघाच्या ज्ञानेश्वर चव्हाण आणि रवींद्र मांडवकर यांनी अनुक्रमे चढाया व पकडींच्या जोरावर अपयशी झुंज दिली.

आता व्हॉट्‌सऍप ग्रुपसाठी लागणार परवाना :

  • सोशल नेटवर्किंगसाठी प्रसिद्ध असलेल्या व्हॉट्‌सऍपवर ग्रुप तयार करण्यासाठी यापुढे परवाना घ्यावा लागणार आहे.
  • सोशल नेटवर्किंगवरून होत असलेल्या अफवा थांबवण्यासाठी जम्मू-काश्‍मीर प्रशासनाने (दि.19) हा निर्णय घेतला आहे.
  • राज्यातील सरकारी कर्मचारी व अधिकाऱ्यांनासुद्धा या नियमांचे पालन करावे लागणार आहे.
  • नियम तोडणाऱयांविरोधात कडक कारवाई केली जाणार असल्याचे प्रशासनाने म्हटले आहे.
  • जम्मू-काश्‍मीर प्रशासनाने जिल्हाधिकारी कार्यालयात या संदर्भात (दि.19) बैठकीचे आयोजन केले होते.
  • तसेच यावेळी व्हॉट्‌सऍप न्यूज ग्रुपला नोंदणी करण्याचे आदेश दिले.
  • राज्यातील व्हॉट्‌सऍप ग्रुपच्या ऍडमिनला पुढील दहा दिवसांमध्ये नोंदणी करण्याचे आदेश दिले आहेत.
  • व्हॉट्‌सऍप ग्रुपवरून एखादा चुकीचा मजकूर प्रसिद्ध झाला तर ग्रुपचा ऍडमिनला त्याला जबाबदार असेल.
  • शिवाय, त्याच्याविरोधात कारवाई केली जाणार आहे, असेही प्रशासनाने निवेदनात म्हटले आहे.

दिनविशेष :

  • 1909 : ज.द. गोंधळेकर (जनार्दन दत्तात्रय गोंधळेकर), मराठी चित्रकार यांचा जन्म.
  • 1926 : एलिझाबेथ दुसरी, इंग्लंडची राणी यांचा जन्म.
  • 1932 : नाशिकच्या काळाराम मंदिराचे दरवाजे सर्वांसाठी खुले ठेवण्याचा आदेश देण्यात आला.

चालू घडामोडी PDF स्वरुपात मिळविण्यासाठी येथे क्लिक करा

Must Read (नक्की वाचा):

चालू घडामोडी (22 एप्रिल 2016)

You might also like

Leave A Reply

Your email address will not be published.

MPSC World