Complete Guidance For MPSC Exams, Current Affairs, Rajyaseva, PSI, STI Exams, Job Alerts 2020

Current Affairs of 14 October 2015 For MPSC Exams

चालू घडामोडी (14 ऑक्टोंबर 2015)

चालू घडामोडी (14 ऑक्टोंबर 2015)

बंगाली कवी मंदाक्रांता सेन यांचा साहित्य अकादमी पुरस्कार परत :

  • दादरी येथील हत्याकांड आणि एम. एम. कलबुर्गी यांच्या हत्येच्या निषेधार्थ प्रसिद्ध बंगाली कवी मंदाक्रांता सेन यांनी साहित्य अकादमी पुरस्कार परत केला आहे.
  • देशात वाढत असलेल्या हिंसक घटनांना विरोध करत देशभरातील अनेक लेखक व कवींनी आतापर्यंत साहित्य अकादमी पुरस्कार परत केलेले आहेत.
  • आता या यादीत सेन यांचेही नाव समाविष्ट झाले आहे.
  • सेन यांना 2004 मध्ये स्वर्णजयंती विशेष साहित्य अकादमी पुरस्कार मिळाला होता.
  • सेन यांची 22 कवीतांची पुस्तके आहेत, तर सात कादंबऱ्या आहेत.

विष्णुदास भावे गौरव पदक विक्रम गोखले यांना जाहीर :

  • मराठी रंगभूमीवरील नाट्यकर्मींना देण्यात येणारे मानाचे विष्णुदास भावे गौरव पदक यंदा चतुरस्र अभिनेते विक्रम गोखले यांना जाहीर झाले आहे.
  • 1959 पासून सुरू झालेल्या या पुरस्काराचे हे 50वे वर्ष आहे.
  • येत्या 5 नोव्हेंबरला रंगभूमीदिनी प्रथेप्रमाणे अखिल भारतीय मराठी नाट्यसंमेलनाच्या अध्यक्षा अभिनेत्री फय्याज यांच्या हस्ते पुरस्कार प्रदान समारंभ होणार आहे.
  • गौरव पदक, स्मृतिचिन्ह आणि 11 हजार रुपये रोख असे पुरस्काराचे स्वरूप आहे.
  • यंदाचे मानकरी गोखले यांचे वडील अभिनेते चंद्रकांत गोखले यांना भावे पुरस्काराने गौरवण्यात आले होते.

चीनने तिबेटमध्ये ब्रह्मपुत्रा नदीवर जलविद्युत प्रकल्प कार्यान्वित :

  • चीनने तिबेटमध्ये ब्रह्मपुत्रा नदीवर 1.5 अब्ज डॉलर खर्च करून उभारलेला जलविद्युत प्रकल्प आजपासून पूर्ण क्षमतेने कार्यान्वित झाला आहे.
  • या प्रकल्पामुळे भारताच्या चिंता वाढल्या असून, बह्मपुत्रेचा संपूर्ण प्रवाहच चिनी ड्रॅगनकडून गिळंकृत केला जाण्याची भीती व्यक्‍त होत आहे.
  • या प्रकल्पातील सर्व सहा युनिट्‌स पूर्ण क्षमतेने काम करू लागले असून, त्यातून विजेची निर्मितीही होऊ लागली आहे.
  • वुहान शहरातील “चायना गेझोबा” समूहाने हा प्रकल्प उभारला आहे.
  • तिबेटमधील गायका काउंटीतील हा प्रकल्प “झांग्मू हायड्रोपॉवर स्टेशन” या नावानेही ओळखल्या जातो. तिबेटमधील हा प्रकल्प सर्वांत उंचीवरील प्रकल्प म्हणून ओळखला जातो.
  • या प्रकल्पातील पहिले युनिट मागील वर्षी नोव्हेंबर महिन्यात कार्यान्वित झाले होते.
  • ड्रॅगन प्रोजेक्‍टची वैशिष्ट्ये :
  • 2.5 अब्ज किलोवॉट दरवर्षी निर्माण होणारी वीज
  • 140 किलोमीटर प्रकल्पाची ल्हासापासूनची लांबी
  • 9.6 अब्ज युआन प्रकल्पातील गुंतवणूक

इराणच्या आण्विक कार्यक्रमासंदर्भात ऐतिहासिक करारास मंजुरी :

  • इराणच्या आण्विक कार्यक्रमासंदर्भात आंतरराष्ट्रीय पातळीवर करण्यात आलेल्या ऐतिहासिक करारास येथील संसदेने मंजुरी दिली.Karar
  • इराणच्या संसदेमधील सदस्यांच्या चर्चेनंतर यासंदर्भातील प्रस्ताव संमत करण्यात आला.
  • इराणच्या आण्विक कार्यक्रमासंदर्भातील संयुक्त योजनेचा समावेश असलेल्या या प्रस्तावाच्या बाजुने 161 तर विरोधात 59 सदस्यांनी मतदान केले.
  • इतर 13 सदस्यांनी या प्रस्तावासाठी मतदान केले नाही.
  • हा करार यशस्वीरित्या करण्यात आल्याची घोषणा गेल्या 14 जुलै रोजी करण्यात आली होती.

नासाचा क्यूबसॅट हा नॅनोउपग्रह कार्यान्वित झाला :

  • नासाचा क्यूबसॅट हा नॅनोउपग्रह कार्यान्वित झाला आहे.NASA
  • अ‍ॅटलास पाच या अग्निबाणाच्या मदतीने तो कॅलिफोíनयातील व्हनडेनबर्ग हवाई दल तळावरून तो ऑक्टोबरला सोडण्यात आला होता.
  • हा नॅनो उपग्रह उत्तम काम करीत आहे, असे नासाने म्हटले आहे.
  • द ऑप्टिकल कम्युनिकेशन अँड सेन्सर डेमनस्ट्रेशन (ओसीएसडी) क्यूबसॅट उपग्रह हा कक्षेत फिरत असून त्याने काम सुरू केल्याचे नासा व द एरोस्पेस कार्पोरेशनचे एल सेगुंडो यांनी कॅलिफोíनयात सांगितले.
  • शैक्षणिक संशोधनाकरिता क्यूबसॅटचा वापर केला जाणार असून अवकाशीय खगोलांचा वेध व इतर तांत्रिक बाबींसाठी एक किफायतशीर यंत्रणा असावी, हा उद्देश त्यामागे आहे.
  • तसेच त्यातून पृथ्वी निरीक्षणही साध्य होणार आहे.
  • अवकाशयानांची संदेशवहन क्षमता वाढवून त्यांना माहिती मि़ळवण्यात आणखी सक्षम केले जाऊ शकते व ओसीएसडी हा त्यासाठी चांगला पर्याय आहे.
  • क्यूबसॅटमुळे विद्यार्थ्यांना उपग्रह विकास, संचालन व वापर याची प्रत्यक्ष माहिती मिळू शकते व प्रत्यक्ष माहितीच्या आधारे संशोधन करता येते.
  • नासा तंत्रज्ञान मोहिमेत सहा उपग्रह सोडणार असून ते ओसीएसडी मालिकेतील हा पहिलाच उपग्रह आहे.
  • हे नॅनो उपग्रह प्रत्येक बाजूने चार इंचाचे असतात, त्यांच्या मदतीने तंत्रज्ञानाचा परीक्षण करणे सोपे जाते.
  • ओसीएसडी हे लेसर संदेशवहन पद्धतीपेक्षा वेगळे आहेत कारण लेसर यंत्रणा उपग्रहावर बसवावी लागते व क्यूबसॅट हा लेसर किरणांची दिशा नियंत्रित करतो.
  • त्यामुळे लेसर यंत्रणा अधिक आटोपशीर असते व त्यामुळे आधी अवकाशात सोडलेल्या कुठल्याही उपग्रहांपेक्षा ते सुटसुटीत आहेत.
  • क्यूबसॅट : हे उपग्रह आकाराने लहान म्हणजे सर्व बाजूंनी चार इंचाचे असतात व त्यातून सेकंदाला 20 मेगाबाइट इतक्या माहितीची देवाणघेवाण लेसर मार्फत होते.
  • क्यूबसॅट संदेशवहन प्रणालीची क्षमताही जास्त असते.
  • यातील ओसीएसडी मालिकेतील दुसरा नॅनो उपग्रह फेब्रुवारी 2016 मध्ये कार्यान्वित होणार आहे.

ट्विटर कर्मचारी कपात करणार :

  • सोशल मिडीयातमध्ये सर्वाधिक नावारुपाला आलेले ट्विटर कर्मचारी कपात करणार असल्याचे वृत्त आहे.Twitter
  • येत्या काही दिवसात ट्विटर आपल्या जवळजवळ 136 कर्मचा-यांना घरचा रस्ता दाखविणार आहे.
  • ट्विटर कंपनीत सध्या 4100 कर्मचारी कार्यरत असून यामधून आठ टक्के म्हणचेच 336 कर्मचारी कपात करण्यात येणार असल्याची घोषणा कंपनीचे सीईओ जॅक डॉरसे यांनी केली आहे.
  • काही प्रमाणात कर्मचा-यांची कपात केल्याने कंपनीला फायदा होणार असून कंपनीच्या आगामी वाटचालीसाठी हा निर्णय घेणे गरजेचे असल्याचे जॅक डॉरसे यांनी म्हटले आहे.
  • दरम्यान याप्रकरणी कंपनीच्या सर्व कर्मचा-यांना ई-मेलच्या माध्यमातून जॅक डॉरसे यांनी कळविले आहे.

You might also like

Leave A Reply

Your email address will not be published.

MPSC World