चालू घडामोडी (3 ऑगस्ट 2015)
संयुक्त संसदीय समितीला पुन्हा एकदा मुदतवाढ :
- भूसंपादन विधेयकाच्या अभ्यासासाठी स्थापन करण्यात आलेल्या संयुक्त संसदीय समितीला पुन्हा एकदा मुदतवाढ दिली जाण्याची शक्‍यता सूत्रांनी वर्तविली आहे.
- सूत्रांच्या म्हणण्यानुसार, समिती विधेयकातील 15 दुरुस्त्यांवर सदस्यांचा दृष्टिकोन समजावून घेणार असून, त्यानंतर प्रत्येक कलमाच्या आधारे चर्चा केली जाईल.
- आपला अहवाल सादर करण्यासाठी समितीला 5 ऑगस्ट ही तारीख देण्यात आली होती.
- त्यामुळे समितीकडून अहवाल सादर करण्यासाठी आणखी आठवडाभराची मुदत मागितली जाईल.
- 21 जुलैपासून सुरू झालेले संसदेचे पावसाळी अधिवेशन 13 ऑगस्ट रोजी संपणार आहे.
- तसेच समितीने आतापर्यंत दोन वेळा मुदतवाढ मागितली आहे.
Must Read (नक्की वाचा):
“गुगल प्ले”वर लवकरच सशुल्क ऍप्स उपलब्ध :
- लोकप्रिय सर्च इंजिन “गुगल”ने आपल्या “ऍप स्टोअर” आणि “गुगल प्ले”वर लवकरच सशुल्क ऍप्स उपलब्ध करून देणार आहे.
- भारतातील सशुल्क ऍप्सची बाजारपेठ वाढावी यासाठी ही सुविधा उपलब्ध करून दिल्या आहेत.
- तसेच या सशुल्क ऍप्स 10 रुपयांपासून उपलब्ध असतील.
- “गुगल प्ले”द्वारे नवीन युजर्सपर्यंत पोचण्यासाठी भारत चांगली बाजारपेठ असल्याचे मानले जाते.
शास्त्रज्ञांना एक सिक्रेट ग्रहमाला आढळली :
- पृथ्वीपासून फक्त 21 प्रकाशवर्षे अंतरावर खगोल शास्त्रज्ञांना एक सिक्रेट ग्रहमाला आढळली असून, त्यात एक महाकाय ग्रह व तीन सुपर अर्थ आहेत.
- एचडी 219134 असे या ग्रहमालेच्या ताऱ्याचे नाव असून ग्रहमाला कॅसियोपिया या नक्षत्र समूहात आहे.
- तसेच या तीन सुपर अर्थपैकी एक ग्रह त्यांच्या सूर्यासमोरून जातो.
- सूर्यासमोरून जाणाऱ्या या सुपरअर्थची घनता पृथ्वीसारखीच आहे.
- हा ग्रह आतापर्यंत आढळलेल्या पृथ्वीसारख्या ग्रहापैकी सर्वात जवळ आहे.
एक रुपया बाजारमूल्याच्या नोटा दरवर्षी छापण्याचे केंद्र सरकारने ठरवले :
- एक रुपया बाजारमूल्याच्या 15 कोटी नोटा दरवर्षी छापण्याचे केंद्र सरकारने ठरवले आहे.
- 1 जानेवारी 2015 पासून दरवर्षी या नोटा छापल्या जातील.}
- 1 जानेवारीपासून दरवर्षी 1 रुपया बाजारमूल्याच्या नोटा छापण्याविषयी 15 डिसेंबर 2014 रोजी राजपत्र (गॅझेट) अधिसूचना जारी करण्यात आली होती.
- तसेच या नोटा कॉइनेज अॅक्टमधील तरतुदींनुसार छापण्यात येतील.
- नोटा छपाईचा खर्च वाढत असल्याचे कारण देऊन 1, 2 व 5 रुपये बाजारमूल्याच्या नोटा छापणे शक्य नसल्याचे रिझर्व्ह बँकेने यापूर्वी स्पष्ट केले होते.
- त्यामुळे या नोटा सरकारने छापण्याचे ठरवले आहे. मात्र अद्याप 2 व 5 रुपये बाजारमूल्याच्या नोटा छापण्याविषयी कोणताही निर्णय झालेला नाही.
दिनविशेष :
- विषुववृत्तीय गिनी सेना दिन
- 3 ऑगस्ट 1960 – नायजर स्वातंत्र्य दिन
- 2005 – मॉरिटानियाच्या राष्ट्राध्यक्षाविरुद्ध उठाव.