Complete Guidance For MPSC Exams, Current Affairs, Rajyaseva, PSI, STI Exams, Job Alerts 2020

Current Affairs of 20 March 2017 For MPSC Exams

चालू घडामोडी (20 मार्च 2017)

चालू घडामोडी (20 मार्च 2017)

देशातील सर्वांत मोठा बोगदा सुरू होणार :

  • भारतातील सर्वात मोठा बोगदा जम्मू-काश्मीरमध्ये आकाराला येत असून, मार्च महिन्याच्या शेवटच्या आठवड्यात पंतप्रधान नरेंद्र मोदी यांच्या हस्ते या बोगद्याचे उद्घाटन होण्याची शक्यता आहे.
  • काश्मीरवासीयांसाठी हा आशेचा बोगदा असल्याचे संबोधले गेले असून, या बोगदा खुला झाल्यानंतर जम्मू ते काश्मीर या मार्गातील 38 किमीचा खडतर मार्ग कोणत्याही मोसमात खुला राहणार आहे.
  • विशेष म्हणजे या बोगद्याचे भूमिपूजन 2011 साली राहुल गांधी यांच्या हस्ते झाले होते.
  • बर्फवृष्टी आणि हिमस्खलनामुळे वारंवार ठप्प होणा-या राष्ट्रीय महामार्ग एकची या बोगद्यामुळे वाहतुकीची समस्या मिटणार आहे. अडतीस किमीचा फेरा वाचणार आहे.
  • तसेच या बोगद्यामध्ये अनेक टेलिकॉम कंपन्यांचे नेटवर्क आणि मनोरंजनासाठी एफएम सिग्नलही मिळावी, अशी व्यवस्था करण्यात आली आहे.
Must Read (नक्की वाचा):

चालू घडामोडी (18 मार्च 2017)

उत्तर प्रदेशचे नवे मुख्यमंत्री योगी आदित्यनाथ :

  • उत्तर प्रदेशचे 21 वे मुख्यमंत्री म्हणून योगी आदित्यनाथ यांनी 19 मार्च रोजी शपथ घेतली. तर, केशवप्रसाद मौर्य आणि दिनेश शर्मा यांनी उपमुख्यमंत्रीपदासह अन्य 44 जणांनी शपथ घेतली.
  • लखनौमध्ये झालेल्या शपथविधी सोहळ्याला पंतप्रधान नरेंद्र मोदी, भाजपचे राष्ट्रीय अध्यक्ष अमित शहा, भाजपशासित सर्व राज्यांचे मुख्यमंत्री आणि सर्व प्रमुख भाजप नेते, आमदार उपस्थित होते.
  • राष्ट्रीय राजकारणात अत्यंत महत्त्वाचे स्थान असलेल्या उत्तर प्रदेशच्या मुख्यमंत्रिपदासाठी भारतीय जनता पक्षाने गोरखपूरचे खासदार योगी आदित्यनाथ यांना मुख्यमंत्रीपदाचा उमेदवार घोषित केले होते.
  • तसेच याबरोबर प्रदेशाध्यक्ष केशवप्रसाद मौर्य आणि लखनौचे महापौर दिनेश शर्मा या दोघांना उपमुख्यमंत्रिपद देण्याचेही या वेळी जाहीर करण्यात आले होते.
  • गोरखपूर लोकसभा मतदारसंघातून सलग पाच वेळेस खासदार म्हणून निवडून आलेले योगी आदित्यनाथ यांची मुख्यमंत्रिपदासाठी निवड केल्याने भाजपवर विरोधकांकडून टीका करण्यात येत आहे.
  • गोरखपूरमधील गोरखनाथ मठाचे प्रमुख असलेले आदित्यनाथ हे विज्ञान शाखेचे पदवीधर असून, आपल्या आक्रमक भाषणांसाठी प्रसिद्ध आहेत.

सीओएने सर्वात मोठा निर्णय घेत एमसीएचे पुर्ण सदस्यत्व काढून घेतले :

  • भारतीय क्रिकेट नियामक मंडळातील (बीसीसीआय) कारभारात पारदर्शीपणा आणण्यासाठी सर्वोच्च न्यायालयाने नियुक्त केलेल्या लोढा समितीने सुचविलेल्या ‘एक राज्य, एक मत’ या शिफारशीचा अखेर मुंबई क्रिकेट संघटनेला (एमसीए) फटका बसला.
  • सर्वोच्च न्यायालयाच्या वतीने नियुक्त करण्यात आलेल्या प्रशासकीय समितीने (सीओए) सर्वात मोठा निर्णय घेताना एमसीएचे पुर्ण सदस्यत्व काढून घेतले आहे.
  • सीओएने बीसीसीआयच्या नव्या संविधानाची व दिशानिर्देशकाची माहिती संकेतस्थळावर अपलोड केली असून याव्दारे एका राज्यातून केवळ एकच पुर्ण सदस्यत्व संघटना राहू शकते, हे स्पष्ट केले.
  • बीसीसीआयच्या संविधानाला अंतिम स्वरुप दिल्यानंतर सीओएने हा निर्णय घेतला. त्याचवेळी, या सीओएव्दारा बिहार, तेलंगना आणि उत्तर पुर्वेकडील राज्यांना पुर्ण सदस्यत्व बहाल करण्यात आले.
  • विशेष म्हणजे, भारतीय क्रिकेटमध्ये आतापर्यंतचे सर्वात मोठे योगदान मुंबई क्रिकेटचे राहिले असल्याने सीओएने घेतलेला निर्णय धक्कादायक ठरला आहे.

भारतीय रेल्वे तंत्रज्ञान निर्यात करणार :

  • ‘मेक इन इंडिया’अंतर्गतहिली लोकल सेवेत दाखल झाल्याचा सार्थ अभिमान वाटत आहे. आतापर्यंत रेल्वेने तंत्रज्ञान आयात करण्यावर भर दिला होता; पण हे चित्र पूर्ण बदलले आहे.
  • तंत्रज्ञान आयातीचे प्रमाण तीन टक्‍क्‍यांवर आणले आहे. यापुढे भारतीय तंत्रज्ञान परदेशात निर्यात करण्याचे रेल्वेचे उद्दिष्ट आहे, असे रेल्वेमंत्री सुरेश प्रभू यांनी जाहीर केले.
  • भारतीय बनावटीच्या ‘मेधा’ लोकलबरोबर विविध रेल्वे प्रकल्पांचे उद्‌घाटन रेल्वेमंत्री सुरेश प्रभू यांच्या हस्ते कुर्ला येथील लोकमान्य टिळक टर्मिनसमध्ये करण्यात आले.
  • एलटीटी-टाटानगर या अंत्योदय एक्‍स्प्रेसला रेल्वेमंत्र्यांनी हिरवा झेंडा दाखवला. ही एक्‍स्प्रेस सर्वसाधारण श्रेणीतील प्रवाशांसाठी असून, त्यात कुठलेही आरक्षण नाही. या गाडीला 20 डबे असून, त्यात दोन हजार आसने आहेत.
  • तसेच याबरोबर भुसावळ-जळगावदरम्यान चौथ्या मार्गिकेचे भूमिपूजन, मिरज-सोलापूर एक्‍स्प्रेस, लोकमान्य टिळक टर्मिनसवर 13 हजार चादरी धुण्याची क्षमता असलेली आधुनिक लॉण्ड्री व इतर सुविधांचे व्हिडीओ कॉन्फरन्सिंगव्दारे उद्‌घाटन करण्यात आले.
  • सोलापूर, गुलबर्गा, सुरत, इंदूर व राजकोट स्थानकात वाय-फाय सुविधा व चर्चगेट आणि भुसावळ येथील सौरऊर्जा प्रणालीचे उद्‌घाटनही करण्यात आले.

दिनविशेष :

  • डच ईस्ट ईंडिया कंपनीची स्थापना 20 मार्च 1602 मध्ये झाली.
  • 20 मार्च 1916 रोजी अल्बर्ट आइनस्टाइनने सापेक्षतावादाचा सिद्धांत प्रसिद्ध केला.
  • डॉ. बाबासाहेब अंबेडकर यांच्या नेतृत्वाखाली 20 मार्च 1927 रोजी महाडच्या चवदार तळ्यावरील सत्याग्रह.

चालू घडामोडी PDF स्वरुपात मिळविण्यासाठी येथे क्लिक करा

Must Read (नक्की वाचा):

चालू घडामोडी (21 मार्च 2017)

You might also like

Leave A Reply

Your email address will not be published.

MPSC World