24 December 2021 Current Affairs In Marathi (Chalu Ghadamodi)

चालू घडामोडी (24 डिसेंबर 2021)

‘प्रलय’ क्षेपणास्त्राची दुसरी चाचणी यशस्वी :

• स्वदेशात विकसित करण्यात आलेल्या आणि जमिनीवरून जमिनीवर मारा करणाऱ्या ‘प्रलय’ या क्षेपणास्त्राची दुसरी चाचणी (फ्लाइट टेस्ट) भारताने गुरुवारी यशस्वीरित्या केली.
• संरक्षण संशोदन आणि विकास संस्थेने (डीआरडीओ) विकसित केलेल्या एखाद्या आंतरखंडीय क्षेपणास्त्राच्या चाचण्या सलग दोन दिवस यशस्वीरित्या करण्यात आल्याची ही पहिलीच वेळ आहे.
• ओडिशा किनाऱ्यानजिकच्या एपीजे अब्दुल कलाम बेटावरून डागण्यात आलेल्या या क्षेपणास्त्राने ठरवून दिलेली सर्व उद्दिष्टे पूर्ण केल्याचीही माहिती संस्थेने दिली.
• यापूर्वी बुधवारी या क्षेपणास्त्राची पहिली चाचणी यशस्वीरित्या पार पडली होती.
• ‘प्रलय’च्या दुसऱ्या प्रक्षेपणावर सर्व रेंज सेंसर्स आणि टेलिमेट्री, रडार व इलेक्ट्रो- ऑप्टीक ट्रॅकिंग सिस्टिमसह पूर्व किनाऱ्यावर तैनात करण्यात आलेल्या उपकरणांच्या, तसेच ‘इम्पॅक्ट पॉइंट’ नजिक उभ्या करण्यात आलेल्या जहाजांच्या सहाय्याने देखरेख ठेवण्यात आली होती, असे डीआरडीओने सांगितले.

ओन्लीफॅन्सच्या सीईओपदी भारतीय वंशाची आम्रपाली गान :

• अ‍ॅडल्ट कंटेंट क्रिएशन प्लॅटफॉर्म ओन्ली फॅन्सने (OnlyFans) भारतीय वंशाच्या आम्रपाली ‘एमी’ गानची मुख्य कार्यकारी अधिकारी (सीईओ) म्हणून नियुक्ती केली आहे.
• ओन्लीफॅन्सचे संस्थापक 38 वर्षीय टिम स्टोकली यांनी आपल्या पदाचा राजीनामा दिला आहे.
• तर 2016 मध्ये टिमने ओन्लीफॅन्सची स्थापना केली. तेव्हापासून ते पाच वर्षे या पदावर कार्यरत होते.

करोनावर उपचारासाठी फायझरने आणली गोळी :

• एफडीएने करोनापासून संरक्षण करण्यासाठी 12 वर्षे वयोगटातील आणि त्याहून अधिक वयाच्या जोखीम असलेल्या रुग्णांवर उपचार करण्यासाठी फायझरच्या गोळीला मान्यता दिली आहे.
• तर फायझरच्या या औषधाला Paxlovid म्हणतात.
• तसेच या औषधाची 2200 लोकांवर चाचणी करण्यात आली.
• असलेल्या लोकांमध्ये या औषधाने हॉस्पिटलायझेशन आणि मृत्यूचा धोका 88 टक्क्यांनी कमी केल्याचे दिसून आले.
• फायझरच्या या उपचारांना यापूर्वी युरोपियन युनियनमध्ये मान्यता दिली गेली आहे. अ

देशात पहिल्यांदाच CRPF महिला कमांडोचं पथक होतंय तयार :

• पहिल्यांदाच सीआरपीएफ महिला कमांडोंचे पथक तयार होत आहे.
• तर हे पथक देशातील व्हीआयपी लोकांना संरक्षण देईल.
• तसेच महिला कमांडोच्या पहिल्या तुकडीमध्ये 32 महिला लढाऊ जवान आहेत, त्यांनी व्हीआयपी सुरक्षेचे प्रशिक्षण पूर्ण केले आहे.
• तर ते 15 जानेवारीपर्यंत तैनातीसाठी तयार होतील. त्यांना आमच्या झेड प्लस संरक्षकांसोबत तपशीलवार माहिती देण्याचे ठरवले आहे, असे सीआरपीएफच्या एका वरिष्ठ अधिकाऱ्याने सांगितले.
• पहिल्या टप्प्यात केंद्रीय गृहमंत्री अमित शाह, माजी पंतप्रधान मनमोहन सिंग आणि गांधी कुटुंबीयांच्या सुरक्षेसाठी केंद्रीय राखीव पोलीस दलाच्या महिला कमांडो देखील तैनात केल्या जातील.
• पहिल्यांदाच या सर्व व्हीआयपी लोकांच्या सुरक्षेसाठी महिला कमांडो तैनात करण्यात येणार आहेत.

भारतीय पुरुष हॉकी संघाची तिसऱ्या क्रमांकावर मुसंडी :

• ऑलिम्पिक कांस्यपदक विजेत्या भारतीय पुरुष हॉकी संघाने वर्षाची सांगता जागतिक क्रमवारीतील तिसऱ्या क्रमांकावरील मुसंडीने केली आहे, तर महिला संघाची नवव्या क्रमांकावर घसरण झाली आहे.
• आंतरराष्ट्रीय हॉकी महासंघाने गुरुवारी प्रकाशित केलेल्या ताज्या क्रमवारीत भारताने आतापर्यंतची सर्वोत्तम कामगिरी बजावली आहे.
• मनप्रीत सिंगच्या नेतृत्वाखालील भारतीय संघाने टोक्यो ऑलिम्पिकमध्ये कांस्यपदक जिंकून भारताचा 41 वर्षांचा पदकदुष्काळ संपुष्टात आणला.
• तसेच नुकत्याच ढाका येथे झालेल्या आशियाई चॅम्पियन्स करंडक हॉकी स्पर्धेतही भारताने कांस्यपदक पटकावले.
• त्यामुळे 2296.038 गुणांसह भारताला ऑस्ट्रेलिया आणि ऑलिम्पिक विजेते बेल्जियम यांच्यापाठोपाठ तिसरे स्थान मिळाले आहे.

धर्मांतर प्रतिबंधक विधेयक कर्नाटक विधानसभेत मंजूर :

• ‘धर्मांतर प्रतिबंधक विधेयक’ या नावाने ओळखले जाणारे वादग्रस्त ‘कर्नाटक धर्मस्वातंत्र्य संरक्षण विधेयक 2021’ कर्नाटक विधानसभेने गुरुवारी मंजूर केले.
• तर हे विधेयक ‘लोकविरोधी’, ‘अमानवी’, ‘घटनाविरोधी’, ‘गरीबविरोधी’ आणि ‘कठोर’ असल्याचे सांगून काँग्रेसने त्याला जोरदार विरोध केला.
• मंगळवारी विधानसभेत मांडण्यात आलेल्या या विधेयकाला जनता दल (एस)नेही त्याला विरोध केला.

दिनविशेष:

• सन 1777 मध्ये कॅप्टन जेम्स कूक यांनी प्रशांत महासागरातील किरितीमती बेटांचा शोध लावला.
• स्वातंत्र्यसैनिक, इतिहासकार डॉ. भोगराजू पट्टाभी सीतारामय्या यांचा जन्म 24 डिसेंबर 1880 मध्ये झाला होता.
• बालसाहित्यक, समाजवादी नेते, समाजसुधारक तसेच स्वातंत्र्यसैनिक ‘पाडुरंग सदाशिव साने‘ उर्फ साने गुरुजी यांचा जन्म 24 डिसेंबर सन 1899 रोजी झाला होता.
• स्वातंत्र्यवीर सावरकर यांना 24 डिसेंबर सन 1910 रोजी जन्मठेपेची व काळ्यापाण्याची शिक्षा झाली होती.