19 May 2022 Current Affairs In Marathi (Chalu Ghadamodi)

चालू घडामोडी (19 मे 2022)

दिल्लीचे नायब राज्यपाल अनिल बैजल यांचा राजीनामा :

• दिल्लीचे नायब राज्यपाल अनिल बैजल यांनी बुधवारी राष्ट्रपती रामनाथ कोविंद यांना आपला राजीनामा सादर केला.
• तर त्यांनी पाच वर्षे पाच महिने या पदावर काम केले.
• 1969च्या तुकडीचे आयएएस अधिकारी असलेले बैजल यांना डिसेंबर 2016 मध्ये या पदावर नियुक्त करण्यात आले होते.
• त्यापूर्वी अटलबिहारी वाजपेयी सरकारच्या काळात त्यांनी दिल्ली विकास प्राधिकरणाचे उपाध्यक्ष आणि केंद्रीय गृहसचिव म्हणून काम पाहिले होते.
• प्रसार भारती व इंडियन एअरलाइन्स यांसारख्या सार्वजनिक क्षेत्रातील कंपन्यांचे प्रमुख म्हणूनही त्यांनी काम केले.

योगी सरकारचा नवा निर्णय :

• काही दिवसांपूर्वीच योगी आदित्यनाथ सरकारने उत्तर प्रदेशातील सर्व मदरशांमध्ये सर्व विद्यार्थी आणि शिक्षकांना राष्ट्रगीत म्हणणं बंधनकारक करण्याचा निर्णय घेतला होता.
• यानंतर आता राज्यातील मदरशांबाबत योगी सरकारने अजून एक निर्णय घेतला आहे.
• योगी आदित्यनाथ सरकारने घेतलेल्या नव्या निर्णयानुसार इथून पुढे उत्तर प्रदेशमध्ये स्थापन होणाऱ्या नव्या मदरशांना कोणत्याही प्रकारचं सरकारी अनुदान मिळणार नाही.
• यासंदर्भात सादर करण्यात आलेला प्रस्ताव उत्तर प्रदेश सरकारने 17 मे रोजी स्वीकारला असून त्याची तातडीने अंमलबजावणी करण्याचे निर्देश योगी आदित्यनाथ यांनी प्रशासनाला दिले आहेत.
• उत्तर प्रदेशचे अल्पसंख्याक मंत्री दानिश आझाद अन्सारी यांनी यासंदर्भातील आदेश काढले आहेत.

महिला जागतिक बॉक्सिंग स्पर्धात निखत अंतिम फेरीत :

• भारताच्या निखत झरीनने वर्चस्वपूर्ण विजयासह बुधवारी इस्तंबूल येथे चालू असलेल्या महिला जागतिक अजिंक्यपद बॉक्सिंग स्पर्धेची अंतिम फेरी गाठली.
• परंतु उपांत्य फेरीत आव्हान संपुष्टात आल्यामुळे मनीषा मौन आणि परवीन हुडा यांना कांस्यपदकावर समाधान मानावे लागले.
• उपांत्य सामन्यात निखतने आत्मविश्वासाने खेळ करीत ब्राझिलच्या कॅरोलिन डी अल्मेडाला 5-0 असे सहज नामोहरम केले.
• कनिष्ठ विश्वविजेत्या निखतने संयमी खेळाचे प्रदर्शन करीत कॅरोलिनवर निर्विवाद वर्चस्व गाजवले.
• आतापर्यंत सहा वेळा विजेती एमसी मेरी कोम, सरिता देवी, जेनी आरएल आणि लेखा सी या महिला बॉिक्सगपटूंनी जागतिक विजेतेपदे पटकावली आहेत.

डी कॉक आणि केएल राहुलने आयपीएलमध्ये रचला इतिहास :

• आयपीएल 2022 सह स्पर्धेत पदार्पण करणाऱ्या लखनऊ सुपर जायंट्सने बुधवारी शानदार खेळ दाखवला आहे.
• तर या सामन्यात लखनऊ सुपर जायंट्सच्या सलामीवीरांनी अप्रतिम खेळी करत विक्रम केला.
• मुंबईतील डीवाय पाटील स्टेडियमवर खेळल्या जात असलेल्या आयपीएल 2022 च्या 66 व्या सामन्यात लखनऊ सुपर जायंट्सने
• प्रथम खेळून 20 षटकात एकही विकेट न गमावता 210 धावा केल्या.
• लखनऊकडून क्विंटन डी कॉक 140 आणि कर्णधार केएल राहुल 68 धावांवर नाबाद माघारी परतले.
• आयपीएलच्या इतिहासातील ही सर्वात मोठी सलामीची भागीदारी आहे.

दिनविशेष :

• 19 मे 1743 मध्ये जीन पियरे क्रिस्टीन यांनी सेंटीग्रॅड तापमान पातळी विकसित केली.
• हॅले धुमकेतुचे शेपूट 19 मे 1910 मध्ये पृथ्वीला चाटुन गेले.
• पार्कस कॅनडा ही जगातील पहिली राष्ट्रीय उद्यान सेवा 19 मे 1911 मध्ये सुरु झाली.
• 19 मे 1910 मध्ये नथुराम गोडसे यांचा जन्म.
• संत ज्ञानदेव यांची बहिण मुक्ताबाई यांनी 19 मे 1297 मध्ये एदलाबाद येथे समाधी घेतली.