2 जून 2022 चालू घडामोडी – Current Affairs

जिम पार्क्स
जिम पार्क्स

2 June 2022 Current Affairs In Marathi (Chalu Ghadamodi)

चालू घडामोडी (2 जून 2022)

अयोध्येत योगी आदित्यनाथ यांच्या हस्ते राम मंदिर गाभाऱ्याचं भूमिपूजन :

  • अयोध्येत उत्तर प्रदेशचे मुख्यमंत्री योगी आदित्यनाथ यांच्या हस्ते राम मंदिराच्या गाभाऱ्याचं भूमिपूजन होत आहे.
  • गाभाऱ्याच्या पहिल्या शिळेचं मंत्रोच्चारासह योगींच्या हस्ते पूजन करण्यात आलं.
  • तर या भूमिपूजनासह मंदिराच्या निर्मितीचा दुसरा टप्पा सुरू झाला आहे.
  • पहिल्या टप्प्यात मंदिराच्या चबुतऱ्याचं बांधकाम करण्यात आलं.
  • या गाभाऱ्याचं काम डिसेंबर 2023 पर्यंत पूर्ण होईल असं सांगितलं जात आहे.
  • तसेच 2024 मधील मकरसंक्रातीला प्रभू श्रीरामांच्या मूर्तीची या गाभाऱ्यात प्राणप्रतिष्ठा होईल, असा अंदाज वर्तवला जात आहे.
Must Read (नक्की वाचा):

चालू घडामोडी (1 जून 2022)

वस्तू व सेवा कर संकलनात घट :

  • राज्यासह देशात वस्तू व सेवा कर (जीएसटी) संकलनात मे महिन्यात घट नोंदविण्यात आली़.
  • राज्यात मे महिन्यात 20,313 कोटींचे संकलन झाले असून, एप्रिलच्या तुलनेत ते 25 टक्के कमी आह़े.
  • देशात या महिन्यात जीएसटी संकलनाने 1.40 लाख कोटींच्या पुढे मजल मारली असली तरी एप्रिलच्या तुलनेत त्यात 16 टक्क्यांनी घट नोंदविण्यात आली आह़े
  • देशात चालू आर्थिक वर्षांच्या एप्रिल महिन्यात जीएसटी संकलनाने नवा विक्रम करत प्रथमच दीड लाख कोटी रुपयांचा टप्पा ओलांडला होता.

नॉर्वे बुद्धिबळ स्पर्धात आनंदचा लॅग्रेव्हवर विजय :

  • भारताचा माजी विश्वविजेता बुद्धिबळपटू विश्वनाथन आनंदने मंगळवारी नॉर्वे बुद्धिबळ स्पर्धेच्या पारंपरिक (क्लासिकल) विभागातील पहिल्या फेरीत मॅक्झिमे वाशिये-लॅग्रेव्हला 40 चालींत पराभूत केले.
  • भारतीय ग्रँडमास्टर आनंदने या विजयाद्वारे तीन गुणाची कमाई केली.
  • याचप्रमाणे अमेरिकेच्या वेस्टली सो याने तैमूर राजाबोव्हला नमवून आनंदसह संयुक्तपणे अग्रस्थान मिळवले आहे.
  • पारंपरिक स्पर्धेआधी खेळवण्यात आलेल्या अतिजलद (ब्लिट्झ) प्रकारात आनंदने सातव्या फेरीत कार्लसनवर विजय मिळवून चौथा क्रमांक मिळवला.

आशिया चषक हॉकी स्पर्धात भारताला कांस्यपदक :

  • युवकांचा समावेश असलेल्या भारताच्या पुरुष संघाने बुधवारी दिमाखदार कामगिरी करीत जपानला 1-0 असे नमवून आशिया चषक हॉकी स्पर्धेचे कांस्यपदक पटकावले.
  • ‘अव्वल-4’ फेरीच्या मंगळवारी झालेल्या अखेरच्या लढतीत दक्षिण कोरियाने 4-4 असे बरोबरीत रोखल्यामुळे भारताला जेतेपद टिकवण्यात अपयश आले.
  • परंतु जपानविरुद्धच्या लढतीत राजकुमार पालने सातव्या मिनिटाला झळकावलेला एकमेव मैदानी गोल निर्णायक ठरला.
  • त्यानंतर उर्वरित सामन्यात भारतीय बचावपटूंनी प्रतिस्पध्र्याना गोल करण्याची कोणतीच संधी दिली नाही.

इंग्लंडच्या सर्वात वयस्कर माजी कसोटीपटूचे निधन :

  • ससेक्स आणि इंग्लंडचे माजी यष्टिरक्षक फलंदाज जिम पार्क्स यांचे वयाच्या 90व्या वर्षी निधन झाले आहे.
  • तर ते इंग्लंडचे सर्वात वयस्कर आणि हयात असलेले कसोटी क्रिकेटपटू होते.
  • त्यांचे वडील, जिम सिनिअर आणि त्याचे काका होरेस दोघेही ससेक्स क्रिकेट क्लबसाठी 400 पेक्षा जास्त वेळा खेळले होते.
  • तसेच सुरुवातीला डावखुऱ्या हाताने गोलंदाजी करणारे पार्क्स नंतर फलंदाज आणि यष्टीरक्षक म्हणून नावारुपाला आले.
  • पार्क्सने यांनी प्रथम श्रेणी क्रिकेटमध्ये एक हजाराहून अधिक वेळा यष्टीमागे खेळाडूंना बाद केले आहे.
  • पार्क्स यांनी 1954 ते 1968 या कालावधी दरम्यान 46 कसोटी सामने खेळले होते. त्यानंतरची आणखी वर्षे त्यांनी काउंटी क्रिकेट खेळले.
  • क्रिकटमधून निवृत्त झाल्यानंतर पार्क्स यांनी ब्रुअर व्हिटब्रेडसाठी आणि ससेक्स क्रिकेट क्लबचे विपणन व्यवस्थापक म्हणून काम केले.

दिनविशेष :

  • कॅनडात जगातील सर्वप्रथम कांजिण्याची लस 2 जून 1800 मध्ये देण्यात आली.
  • इन्फोसिस चे सहसंस्थापक नंदन निलेकणी यांचा जन्म 2 जून 1955 रोजी झाला.
  • लेखिका अमृता प्रीतम यांना 2 जून 2000 मध्ये दिल्ली सरकारचा अकरा लाख रुपयांचा सहस्रकातील कवयित्री हा पुरस्कार जाहीर झाला.
  • 2 जून 2014 रोजी तेलंगण भारताचे 29वे राज्य झाले.
Must Read (नक्की वाचा):

चालू घडामोडी (3 जून 2022)

You might also like
Leave A Reply

Your email address will not be published.