सांसद आदर्श ग्राम योजना (Saansad Adarsh Gram Yojana – SAGY)

सांसद आदर्श ग्राम योजना (Saansad Adarsh Gram Yojana SAGY)

योजनेची सुरुवात जयप्रकाश नारायण यांच्या जयंतीनिमित्त 11 ऑक्टोबर 2014 रोजी पंतप्रधान नरेंद्र मोदी यांच्या हस्ते सांसद आदर्श ग्राम योजना सुरू करण्यात आली.

योजनेचे उद्देश

1.निवडण्यात आलेल्या ग्रामपंचयतीस स्थानिक विकासाच्या केंद्रात विकसित करणे

2.मानव विकासामध्ये वाढ करणे

3.प्राथमिक सोयी-सुविधांमध्ये सुधारणा करणे

4.अधिकार आणि हक्काची प्राप्ती करणे

5.अधिकार आणि हक्काची प्राप्ती करणे

6.असमानता कमी करणे

7.लोकसभा व राज्यसभेतील प्रत्येक खासदाराने एक गाव दत्तक घेऊन गावातील व्यक्तींना प्रगत पायाभूत सुविधा आणि योग्य संधी उपलब्ध करून त्यांचा विकास करणे.

प्रत्येक खेडेगावाचा आराखडा पुढील तीन बाबींवर अवलंबून असेल

1.समाजाकडून प्रेरित विकास

2.गरज व मागणी आधारित विकास

3.लोकसहभागातून विकास

*सांसद आदर्श ग्राम योजनेअंतर्गत प्रत्येक खासदारासमोर वर्ष 2016 पर्यंत 1 व वर्ष 2019 पर्यंत 3 गावांमध्ये पायाभूत विकास करण्याचे उद्दिष्ट ठेवण्यात आले आहे.

*सांसद आदर्श ग्राम योजनेअंतर्गत खासदार स्वत:चे गाव तसेच सासरवाडीचे गाव सोडून देशातील कोणत्याही गावाची निवड करू शकतात.

*गावाची निवड करताना 3000 ते 5000 लोकसंख्या असलेली गावे व डोंगराळ भागातील 1000 ते 3000 लोकसंख्या असलेली गावे निवडात येतील.

*सांसद आदर्श ग्राम योजनेअंतर्गत गावाचा सामाजिक, सांस्कृतिक, आर्थिक आणि भौतिक असा संपूर्ण विकास केला जातो.

*सांसद आदर्श ग्राम योजने अंतर्गत गावातील शाळांना आदर्श शाळा बनविणे.

*सांसद आदर्श ग्राम योजने अंतर्गत 2024 पर्यंत पाच आदर्श गावांची निवड करून त्यांचा विकास करणे.

*सांसद आदर्श ग्राम योजना ग्रामीण विकास मंत्रालयाव्दारे कार्यान्वित केली जाते.

*सांसद आदर्श ग्राम योजनेअंतर्गत विकासाचा समग्र दृष्टिकोन स्वीकारण्यात आल्याने निवडलेल्या गावांमध्ये कृषी, शिक्षण, आरोग्य, पर्यावरण, स्वच्छता, उपजीविका इ. क्षेत्रांचा विकास प्राप्त करण्याचे उद्दिष्ट ठेवण्यात आले आहे.

*सांसद आदर्श ग्राम योजनेअंतर्गत खेड्यातील लोकांमध्ये पायाभूत सुविधा विकासाबरोबर, लोकसहभाग, अंत्योदय, महिला प्रतिष्ठा, लैंगिक समानता, स्वच्छता, सामाजिक न्याय, पर्यावरण जागृती, समुदाय सेवेची वृत्ती, स्वयंसिद्धता, आपापसातील सहकार्य, शांतता व एकोपा इ. मूल्ये प्राप्त करण्याचे उद्दिष्ट ठरविण्यात आले आहे.

सांसद आदर्श ग्राम योजना दृष्टीकोन

1.मॉडेल ग्रामपंचायत विकसित करण्यासाठी सांसद सदस्यांचे नेतृत्व, क्षमता, प्रतिबद्धता आणि उर्जेचा वापर करणे.

2.स्थानिक पातळीवरील विकासासाठी लोकसहभाग जोडणे.

3.परिणाम आणि स्थिरतेवर लक्ष केंद्रित करणे.

4.स्वैच्छिक संघटना, सहकारी समित्या आणि क्षैक्षणिक व संशोधन संस्थांबरोबर सहभाग विकसित करणे.

*सांसद आदर्श ग्राम योजनेअंतर्गत पंतप्रधान नरेंद्र मोदी यांच्यामार्फत बनारसमधील जयपूर गावाची निवड करण्यात आली आहे.

जयापूर बनारसपासून 25 km अंतरावर आहे.

जयपूर गावाची एकूण लोकसंख्या 2974 आहे. (पुरुष-1541, स्त्री-1431)

You might also like
Leave A Reply

Your email address will not be published.

MPSC World