Complete Guidance For MPSC Exams, Current Affairs, Rajyaseva, PSI, STI Exams, Job Alerts 2020

Current Affairs of 23 June 2016 For MPSC Exams

चालू घडामोडी (23 जून 2016)

चालू घडामोडी (23 जून 2016)

भारतीय अंतराळ संशोधन संघटनेने नवा इतिहास घडविला  :

  • भारतीय अंतराळ संशोधन संघटनेने (इस्रो) येथील सतीश धवन अंतराळ तळावरून एकाच अग्निबाणाने एकाच वेळी तब्बल 20 उपग्रहांचे अवकाशात यशस्वी प्रक्षेपण करून (दि.22) नवा इतिहास रचला.
  • तसेच या उपग्रहांमध्ये ‘इस्रो’चा स्वत:चा ‘कार्टोस्टॅट-2’ या मालिकेतील उपग्रह व चेन्नई येथील सत्यभागा विद्यापीठाचा ‘सत्यभामा सॅट’ व पुणे येथील कॉलेज ऑफ इंजिनीअरिंगचा ‘स्वयम’ हे तीन उपग्रह भारतीय होते.
  • इतर 17 उपग्रह विदेशी सरकारे किंवा खासगी संस्थांचे होते व त्यांचे प्रक्षेपण व्यापारी तत्त्वावर करण्यात आले.
  • ‘इस्रो’च्या अत्यंत विश्वासार्ह व ‘वर्कहॉर्स’ म्हणून ओळखल्या जाणाऱ्या पीएसएलव्ही-सी 34 या अग्निबाणाने त्याच्या सलग 35 व्या सफल उड्डाणात ही गौरवास्पद कामगिरी फत्ते केली.
  • हवाई तळाच्या दुसऱ्या लॉन्चपॅडवरून हा अग्निबाण ठरल्या कार्यक्रमानुसार (दि.22) सकाळी 9.26 या अचूक वेळेला झेपावला अवघ्या 26 मिनिटांत त्याने सर्व 20 उपग्रह पृथ्वीपासून 503 किमी अंतरावर ठरल्या क्रमाने व ठरल्या अंतरांवर ‘सन सिंक्रोनस ऑर्बिट’ म्हणजे सूर्याच्या स्थितिक कक्षेत स्थापित केले.
Must Read (नक्की वाचा):

चालू घडामोडी (22 जून 2016)

एनआयटीकडून एक नवी सुरक्षा प्रणाली विकसित :

  • सोशल नेटवर्किंग साइट्‌सवर फोटोंशी ‘खेळ’ (फेरफार) करून ‘मॉर्फ’ इमेज पोस्ट करणे आता शक्‍य होणार नाही.
  • हॅकर्सकडून होणारा हा प्रकार थांबविण्यासाठी नॅशनल इन्स्टिट्यूट ऑफ टेक्‍नॉलॉजी गोवा मार्फत एक नवी सुरक्षा प्रणाली विकसित करण्यात आली आहे.
  • तसेच यामुळे हॅकर्सच्या अडचणी वाढणार असून, यूजर्सना मात्र मोठा दिलासा मिळणार आहे.
  • एनआयटीने तयार केलेली ही यंत्रणा असे आक्षेपार्ह फोटो तयार करणाऱ्या हॅकर्सची ओळख पटविण्याचे काम करणार असून, ती यूजर्सनाही लगेचच याची माहिती देणार असल्याने हा फोटोंचा ‘खेळ’ लवकरच कमी होईल.
  • तसेच, या यंत्रणेत असे फेरफार झालेले फोटो आढळल्यास ते ब्लॉक करण्याचीही सोय आहे.
  • कधी कधी तुमचे मित्र-मैत्रिणीही थट्टा म्हणून असे प्रकार करतात, त्यामुळे ज्याच्या फोटोत फेरफार करण्यात आला आहे; त्याच्या परवानगीनेच असे फोटो अपलोड करायचे स्वातंत्र्य इतरांना राहील, असे मत संगणक विज्ञान आणि अभियांत्रिकी विभागाचे सहायक प्राध्यापक चिराग नवीनचंद्र मोदी यांनी व्यक्त केले.

भारताचा झिम्बाब्वेवर तीन धावांनी विजय :

  • टी-20 मालिकेच्या तिस-या सामन्यात भारताने झिम्बाब्वेचा 3 धावांनी पराभव करत मालिका 2-1 ने जिंकली.
  • तसेच या सामन्यात भारताने झिम्बाब्वेला 139 धावांचे आव्हान दिले. याचा सामना करताना झिम्बाब्वे चांगली खेळी केली.
  • मात्र शेवट्या फळीत भारताने दिलेले आव्हान पूर्ण करता आले नाही. अवघ्या तीन धावांनी पराभव स्विकारावा लागला.
  • या सामन्यात झिम्बाब्वेने 20 षटकात सहा बाद 135 धावा केल्या. 

अ‍ॅथलिट अंजू बॉबी जॉर्जने दिला राजीनामा :

  • विश्व चॅम्पियनशिपमध्ये कांस्यपदक जिंकणारी भारताची एकमेव महिला अ‍ॅथलिट अंजू बॉबी जॉर्ज हिने केरळ राज्य क्रीडा परिषदेच्या अध्यक्षपदाचा (दि.22) राजीनामा दिला.
  • अंजू बॉबी जॉर्जने येथे एका पत्रकार परिषदेत केरळ राज्य क्रीडा परिषदेच्या अध्यक्षपदाचा राजीनामा देण्याची घोषणा केली. तिच्याबरोबरच परिषदेतील 13 सदस्यांनीही राजीनामा दिला.
  • केरळचे क्रीडामंत्री ई. पी. जयराजन यांचा अपमान केल्याचा आरोप अंजूवर आहे.
  • त्याचप्रमाणे जयराजन यांनी अंजूवर अध्यक्षपदाच्या रूपात आर्थिक गैरव्यवहार करण्याचा कथित आरोप केला.
  • तसेच याविषयी अंजूने म्हटले, खेळ एखादी पार्टी अथवा राजकीय व्याप्तीच्या बाहेर आहे.
  • मला क्रीडा परिषदेचा अध्यक्ष बनण्याची संधी मिळाली होती, याचा मला आनंद होता; परंतु दुर्दैवाने जे काम व्हायला हवे होते ते झाले नाही. त्यामुळे मी आपल्या पदाचा त्याग करण्याचा निर्णय घेतला.
  • अंजूला ओमन चंडी यांच्या नेतृत्वाखालील याआधीच्या यूडीएफ सरकारने क्रीडा परिषदेच्या अध्यक्षपदी नियुक्त केले होते.
  • क्रीडा परिषदेच्या अन्य सदस्यांत भारतीय राष्ट्रीय हॉकी संघाचा गोलरक्षक पीआर श्रीजेश, व्हॉलीबॉलपटू टॉम जोसेफ आणि अ‍ॅथलिट प्रीजा श्रीधरन यांचा समावेश आहे.

भारताला NSG च्या सदस्यत्वासाठी फ्रान्सकडून पाठिंबा :

  • भारताला आण्विक पुरवठादार समूहाच्या (NSG) सदस्यत्वाला फ्रान्सने पाठिंबा दर्शविला आहे.
  • (दि.23) सेऊलमध्ये होणा-या 48 देशांच्या बैठकीत आण्विक पुरवठादार समूहाचे सदस्यत्व असलेल्या इतर देशांना भारताला समर्थन देण्यासाठी फ्रान्स आवाहन करणार असल्याचे, फ्रान्सच्या परराष्ट्र मंत्रालयाकडून सांगण्यात आले आहे.
  • भारताच्या आण्विक पुरवठादार समूहाच्या (NSG) सदस्यत्वाला चीनने विरोध केला असून हा विरोधाला मोडून काढण्यासाठी भारताने इतर देशांना यासाठी पाठिंबा देण्याचे आवाहन केले आहे.

केंद्रीय मंत्रिमंडळाकडून वस्त्रोद्योगासाठी विशेष पॅकेजला मंजुरी :

  • वर्षाला दोन कोटी नोकऱ्या देण्याची घोषणा करणाऱ्या सरकारने (दि.22) वस्त्रोद्योग क्षेत्रातील रोजगारनिर्मिती व निर्यातीला प्रोत्साहन देण्यासाठी विशेष पॅकेजला मंजुरी दिली.
  • केंद्रीय मंत्रिमंडळाने या पॅकेजवर शिक्कामोर्तब केले. सहा हजार कोटी रुपयांच्या या पॅकेजमुळे येत्या तीन वर्षांत एक कोटी रोजगार तयार होतील, असा आशावाद सरकारतर्फे व्यक्त करण्यात आला आहे.
  • पंतप्रधान नरेंद्र मोदींच्या अध्यक्षतेखाली झालेल्या मंत्रिमंडळाच्या बैठकीत वस्त्रोद्योग व परिधान क्षेत्रातील पॅकेजच्या मंजुरीसह, पाटणा (बिहार) येथे गंगा नदीवरील महात्मा गांधी पुलाची पुनर्बांधणी, कर्नाटकमधील हुबळी-होस्पेटदरम्यान राष्ट्रीय महामार्ग 63 चे चौपदरीकरण आदी निर्णयांनाही हिरवा कंदील दाखविण्यात आला.

चालू घडामोडी PDF स्वरुपात मिळविण्यासाठी येथे क्लिक करा

Must Read (नक्की वाचा):

चालू घडामोडी (24 जून 2016)

You might also like

Leave A Reply

Your email address will not be published.

MPSC World