Complete Guidance For MPSC Exams, Current Affairs, Rajyaseva, PSI, STI Exams, Job Alerts 2020

Current Affairs of 16 July 2016 For MPSC Exams

चालू घडामोडी (16 जुलै 2016)

चालू घडामोडी (16 जुलै 2016)

डेव्हिस चषकमध्ये भारताची कोरियावर आघाडी :

  • युवा खेळाडू रामकुमार रामनाथन आणि अनुभवी साकेत मिनैनी यांनी येथे (दि.15) आपआपले एकेरीचे सामने जिंकताना भारताला दक्षिण कोरियाविरुद्ध डेव्हिस चषक आशिया ओशियाना झोन ग्रुप एक लढतीत 2-0 अशी आघाडी मिळवून दिली.
  • भारत आणि कोरिया यांच्यादरम्यान ग्रासकोर्टवर खेळवल्या जाणाऱ्या या लढतीच्या पहिल्या एकेरीत 21 वर्षीय रामकुमारने अपेक्षेनुसार कामगिरी करताना कोरियाच्या सियोंग चांग होंग याचा 2 तास 36 मिनिटांच्या संघर्षपूर्ण लढतीत 6-3, 2-6, 6-3, 6-5 अशी मात केली.
  • कोरियन खेळाडूने चौथ्या सेटमध्ये पायाला क्रॅम्प आल्यामुळे सामन्यातून माघार घेतली.
  • दुसऱ्या एकेरी सामन्यात साकेत मिनैनी याने कोरियन खेळाडू योंग क्यू लिम याच्याविरुद्ध 6-1, 3-6, 6-4 आघाडी घेतली.
  • अशा प्रकारे भारताने या लढतीत 2-0 अशी आघाडी घेतली.
Must Read (नक्की वाचा):

चालू घडामोडी (15 जुलै 2016)

‘स्वच्छ भारत’ मोहीमसाठी अमिताभ बच्चन यांची निवड :

  • पंतप्रधान नरेंद्र मोदी यांच्या महत्त्वाकांक्षी ‘स्वच्छ भारत’ मोहिमेचा ‘चेहरा’ म्हणून ज्येष्ठ अभिनेते अमिताभ बच्चन यांची निवड निश्‍चित झाल्याचे (दि.15) संध्याकाळी जाहीर करण्यात आले.
  • तसेच या योजनेतील शहरांतील; विशेषतः घनकचऱ्याची शास्त्रीय पद्धतीने विल्हेवाट लावून त्यापासून बायो डिझेल व खत बनविण्याच्या विशिष्ट भागासाठीच्या सरकारी जाहिरातींत अमिताभ आपला आवाज देतील व त्याबाबतचे चित्रीकरणही करतील.
  • ‘स्वच्छ भारत’ मोहिमेच्या जाहिरातींचा चेहरा कोण असणार, याबाबत गेले अनेक महिने चर्चा सुरू होती.
  • मोदी राजवटीत गुजरातच्या पर्यटन व गीरच्या सिंहांबाबतच्या मोहिमेच्या जाहिराती बच्चन यांनी केल्या होत्या.
  • वेंकय्या नायडू यांच्या नगरविकास मंत्रालयातील बाबूशाहीकडून मागील आठवड्यात बच्चन यांना याबाबत अधिकृत पत्र पाठविण्यात आले.
  • दोन ऑक्‍टोबर 2014 पासून सुरू झालेली ‘स्वच्छ भारत’ ही सरकारी मोहीम न राहता ती लोकचळवळ बनावी, असे पंतप्रधानांचे स्वप्न आहे व त्या दृष्टीने बच्चन यांचा चेहरा व आवाज याच्या जाहिरात मोहिमेसाठी मिळणे ही लक्षणीय बाब मानली जाते.

‘ई-बे’ने खरेदी केली ‘टिकेट युटिल्स’ कंपनी :

  • मराठी माध्यमातून शिक्षण घेऊन वयाच्या 18 व्या वर्षी औरंगाबादच्या मुक्तक जोशी या तरुणाने स्थापन केलेली इव्हेन्ट तिकीट विक्री करणारी ‘टिकेट युटिल्स’ ही कंपनी ई-कॉमर्समधील अग्रगण्य असलेल्या अमेरिकेतील ‘ई बे’ कंपनीने खरेदी केली आहे.
  • मुक्तक जोशी याचे औरंगाबादेतील सरस्वती भुवन प्रशालेत मराठी माध्यमातून दहावीपर्यंत शिक्षण झाले आहे.
  • देवगिरी महाविद्यालयातून बारावी केल्यानंतर त्याने एमआयटी महाविद्यालयात प्रवेश घेतला.
  • तसेच या काळातच त्याने सॉफ्टवेअर कंपन्यांचे ‘फ्री लान्सिंग’ काम करण्यास सुरुवात केली.
  • 2005 मध्ये बी.ई. कॉम्प्युटर सायन्स उत्तीर्ण झाला. 2007 मध्ये ‘टेक्नोप्रोटेन’ कंपनी स्थापन केली.
  • तसेच त्यानंतर 2012 मध्ये ‘टिकेट युटिल्स’ची सुरुवात केली.
  • अमेरिकेतील लास वेगास शहरात (दि.15) मुक्तकच्या ‘टिकेट युटिल्स’चा ‘ई-बे’शी करार झाला.

‘ऑपरेशन संकटमोचन’ यशस्वीरित्या पूर्ण :

  • दक्षिण सुदानमध्ये अडकलेल्या भारतीयांना परत आणण्याची ‘ऑपरेशन संकटमोचन’ मोहीम (दि.15) यशस्वीरीत्या संपली.
  • दक्षिण सुदानमधून 156 भारतीयांना घेऊन पहाटे पाचच्या सुमारास विमान तिरुअनंतपूरम विमानतळावर पोचले आणि तेथून हे विमान सकाळी दहा वाजता नवी दिल्लीला पोचले.
  • केंद्रीय मंत्री विजय गोयल यांनी विमानतळावर भारतीय नागरिकांचे स्वागत केले.
  • (दि.14) सुदानची राजधानी जुबा येथून 156 भारतीयांना आणण्यासाठी हवाई दलाची दोन विमाने रवाना करण्यात आली होती.
  • भारतीयांना परत आणण्याची मोहीम परराष्ट्र राज्यमंत्री व्ही.के. सिंह यांच्या नेतृत्वाखाली राबविण्यात आली.

15 जुलै जागतिक युवा कौशल्य दिन :

  • संयुक्त राष्ट्रांच्या आमसभेने नोव्हेंबर 2014 मध्ये 15 जुलै हा दिवस जागतिक युवा कौशल्य दिन म्हणून घोषित केला.
  • तसेच त्यानिमित्ताने पंतप्रधान नरेंद्र मोदी यांनी 2015 साली कौशल्य भारत (स्किल इंडिया) योजनेची घोषणा केली.
  • मात्र अर्थसहाय्याविना कौशल्याचा विकास करायचा तरी कसा? असा सवाल अशासकीय आयटीआयमधील विद्यार्थ्यांनी उपस्थित केला आहे.
  • मुद्रा बँकेमार्फत केंद्र शासनाने राज्यातील आयटीआय उत्तीर्ण प्रशिक्षणार्थींना कर्ज पुरवठा करण्याचा निर्णय घेतला.
  • तसेच त्यात अनुभवी प्रशिक्षणार्थींना 10 लाख रुपयांपर्यंत, तर नवोदित प्रशिक्षणार्थींना 5 लाख रुपयांपर्यंतचा कर्ज पुरवठा करण्याचे निश्चित झाले.
  • मात्र केंद्र शासनाकडे राज्यातून या कर्जपुरवठ्यासाठी केवळ शासकीय आयटीआयची यादी देण्यात आली.

दिनविशेष :

  • 1844 : प्रा. काशिनाथ मराठे, तुकारामांच्या अभंगांचा इंग्रजीत अनुवाद करणारे प्राध्यापक यांचा जन्म.
  • 1857 : युध्दातील कार्यकुशल सेनापती नानासाहेब पेशवे यांचा पराभव होऊन पेशवाईचा शेवट झाला.
  • 1872 : रोआल्ड अमुंडसेन, नॉर्वेचा शोधक यांचा जन्म.
  • 1888 : फ्रिट्स झेर्निके, नोबेल पारितोषिकविजेता डच भौतिकशास्त्रज्ञ यांचा जन्म.

चालू घडामोडी PDF स्वरुपात मिळविण्यासाठी येथे क्लिक करा

Must Read (नक्की वाचा):

चालू घडामोडी (18 जुलै 2016)

You might also like

Leave A Reply

Your email address will not be published.

MPSC World