चालू घडामोडी (14 जून 2016)
युवा भारतीय संघाने मालिका जिंकली :
- धोनीच्या नेतृत्वाखालील युवा भारतीय संघाने दुसऱ्या सामन्यात यजमान झिम्बाब्वेचा 126 धावांत बाद केल्यानंतर 127 धावांचे आव्हान 26.5 षटकात आणि 2 गड्यांच्या मोबदल्यात पार करत 3 सामन्याची मालिका 2-0 ने जिंकली.
- कर्णधार धोनीने नाणेफेक जिंकून झिम्बाम्वेला प्रथम फलंदाजीस आमंत्रित केले.
- झिम्बाब्वेने प्रथम फलंदाजी करताना 34.3 षटकात सर्वबाद 126 धावा केल्या.
- के राहूल आणि करुन नायर यांनी 14.4 षटकात 58 धावांची सलामी दिली.
Must Read (नक्की वाचा):
याहू मेसेंजर आता नवीन मेसेंजरमध्ये अपडेट :
- याहू मेसेंजर हे सगळ्यात जुन्या मेसेंजर पैकी एक आहे.
- 1998 साली याहू पेजर या नावाने सुरु झालेला याहू मेसेंजरचा प्रवास भल्याभल्याना थक्क करणारा असच होता.
- एके काळी लोकप्रियतेच्या शिखरावर आरूढ असलेल्या मेसेंजर पैकी एक म्हणजे याहू मेसेंजर.
- युझर्सला स्वत:च्या चाट रूम तयार करता येणे तसेच वेगवेगळे इमोशन्स पाठविता येणे यामुळे नेटकरी लोकांमध्ये याहू मेसेंजरने एक वेगळे स्थान निर्माण केले होते.
- मात्र जसजसा काळ बदलला तसतसा मेसेंजर मध्ये स्पर्धा निर्माण होत गेली.
- फेसबुक मेसेंजर ,व्हॉट्सअ‍ॅप,आदी मेसेंजरच्या स्पर्धेत याहू मेसेंजर काहीसे मागे पडल्याचे चित्र निर्माण झाले. त्यामुळे याहू मेसेंजर चे अनेक युझर्स इतर मेसेंजरकडे शिफ्ट झाले.
- तसेच याचा परिणाम म्हणून याहू मेसेंजरने स्वत:मध्ये अनेक बदल घडवत नवीन याहू मेसेंजर डिसेंबर 2015 साली लॉंच केले.
- आता मात्र याहूने त्यांचे 18 वर्ष जुने याहू मेसेंजर बंद करण्याचा निर्णय घेतला असून त्याजागी नवीन याहू मेसेंजर अधिक फीचर्स सह आणणार आहे.
लिंक्डइन साइट ही मायक्रोसॉफ्टला जोडली जाणार :
- सोशल मीडियावर प्रसिद्ध असलेली लिंक्डइन ही साइट मायक्रोसॉफ्ट खरेदी करणार आहे.
- जगभरातल्या व्यावसायिकांसाठी संपर्काची सर्वात मोठी साइट म्हणून लिंक्डइन परिचित आहे.
- मायक्रोसॉफ्ट ही साइट 26.6 बिलियन डॉलरला खरेदी करणार आहे.
- 26.6 बिलियन डॉलरची भारतीय रुपयामध्ये किंमत 1,78,485 कोटी रुपये एवढी होती.
- लिंक्डइन खरेदी करण्यासंदर्भात रिड आणि जेफशी ब-याच काळापासून बोलत होतो, असंही यावेळी नाडेला यांनी सांगितलं आहे.
- खरेदीसंदर्भातला करार 2016 मध्ये होणार असल्याचं कंपन्यांनी संयुक्त निवेदनात म्हटले आहे.
- लिंक्डइन ही साइट मायक्रोसॉफ्टच्या उत्पादकता आणि व्यावसायिक प्रक्रियेचा भाग होणार असल्याची माहिती सत्या नाडेला यांनी दिली आहे.
‘आयसीएचआर’ची पहिल्या संशोधन प्रकल्पाला मान्यता :
- 18 व्या शतकातील वैदिक पर्वापासून देशाने मिळविलेल्या प्राचीन वैज्ञानिक यशाचे दस्तऐवजीकरण करण्याचा प्रयत्न म्हणून भारतीय ऐतिहासिक संशोधन परिषदेने (आयसीएचआर) पहिल्या संशोधन प्रकल्पाला मान्यता दिली आहे.
- ऐतिहासिक संशोधनासाठी आर्थिक सहकार्य करणाऱ्या या परिषदेने बंगळुरूतील जैन विद्यापीठाचे प्राध्यापक आर. एन. अय्यंगार यांना पाच लाख रुपये उपलब्ध करून देण्याचे मान्य केले आहे.
- मार्च महिन्यात झालेल्या परिषदेच्या शेवटच्या बैठकीत गर्ग-ज्योतिषबाबत अभ्यास करण्यासाठी हा निधी उपलब्ध करून देण्यात आला.
- तसेच या बैठकीचे इतिवृत्त ‘दी इंडियन एक्स्प्रेस’कडे आहे, त्यामध्ये म्हटले आहे की, अनुदान दोन वर्षांसाठी देण्यात आले आहे.
- वृद्ध-गर्ग-संहिताच गर्ग-ज्योतिष म्हणून ओळखली जाते, या प्राचीन ग्रंथात 800 अध्याय आहेत आणि त्याचा आर्यभट्टांच्या गणितीय खगोलशास्त्रावर प्रभाव आहे, असा दावा अय्यंगार यांनी केला आहे.
दिनविशेष :
- 1775 : अमेरिकन क्रांती खंडीय सेनेची स्थापना.
- 1868 : कार्ल लॅण्डस्टेनर, रक्तगटांचे संशोधक यांचा जन्म.
- जागतिक रक्तदाता दिन
चालू घडामोडी PDF स्वरुपात मिळविण्यासाठी येथे क्लिक करा