Complete Guidance For MPSC Exams, Current Affairs, Rajyaseva, PSI, STI Exams, Job Alerts 2020

Current Affairs of 13 June 2016 For MPSC Exams

चालू घडामोडी (13 जून 2016)

चालू घडामोडी (13 जून 2016)

साईना नेहवालला ऑस्ट्रेलियन ओपनचे विजेतेपद :

  • रिओ ऑलिम्पिकपूर्वी भारताची फुलराणी सायना नेहवालने ऑस्ट्रेलियन ओपन सुपर सीरिजचे विजेतेपद पटकावले.
  • चीनच्या सुन यू हिला तीन गेमपर्यंत रंगलेल्या अटीतटीच्या सामन्यात पिछाडीवरून नमवताना सायनाने दुसऱ्यांदा स्पर्धेचे विजेतेपद पटकावले.
  • जागतिक क्रमवारीत 12व्या स्थानी असलेल्या सुन यू हिने आक्रमक सुरुवात करताना पहिल्या गेममध्ये 21-11 अशी बाजी मारुन सायनावर दडपण आणले.
  • मात्र, यानंतर झुंजार खेळाचे प्रदर्शन करताना सायनाने आपला सर्व अनुभव पणास लावताना सलग दोन गेम जिंकत सुन यूला 11-21, 21-14, 21-19 असे नमवले.
  • तसेच याआधी सायनाने उपांत्यपूर्व फेरीत थायलंडच्या रेचानोक इंतानोन आणि उपांत्य सामन्यात 20112013 साली जागतिक विजेती ठरलेल्या चीनच्या यिहान वांगला पराभूत केले होते.
  • विशेष म्हणजे, हे विजेतेपद यंदाच्या मोसमात सायनाचे पहिले विजेतेपद ठरले.
  • तसेच याआधी 2014 साली या स्पर्धेत बाजी मारलेल्या सायनाला तब्बल वर्षभराच्या प्रतीक्षेनंतर विजेतेपदासाठी थांबावे लागले.
  • गतवर्षी दिल्लीला झालेल्या इंडिया सुपर सीरिजचे विजेतेपद पटकावल्यानंतर ऑस्ट्रेलियन ओपन विजेतेपद सायनाने पटकावलेले पहिले विजेतेपद ठरले.
Must Read (नक्की वाचा):

चालू घडामोडी (11 जून 2016)

संभाजीराजेंची राज्यसभेवर नियुक्ती :

  • युवराज संभाजीराजे छत्रपती यांची राष्ट्रपती प्रणव मुखर्जी यांच्याकडून राज्यसभेवर नियुक्ती करण्यात आली.
  • भाजपने त्यांच्या नावाची शिफारस राज्यसभेसाठी केली होती.
  • तसेच ते खासदार झाल्याचे समजताच त्यांच्या कार्यकर्त्यांनी भवानी मंडप, शिवाजी पुतळा परिसरात त्यांच्या कार्यालयात फटाक्‍यांची आतषबाजी करून जल्लोष केला.
  • लोकसभेच्या 2009 च्या निवडणुकीत संभाजीराजे यांनी राष्ट्रवादी कॉंग्रेसकडून निवडणूक लढवली होती.
  • तसेच त्यामध्ये अपक्ष उमेदवार (कै.) खासदार सदाशिवराव मंडलिक यांनी त्यांचा पराभव केला. त्यानंतर संभाजीराजे यांनी राजकीय पक्षांपासून अलिप्त राहत तरुणांच्या संघटनाचे काम सुरू केले.
  • राज्यात विदर्भ, मराठवाड्यासह विविध भागांत त्यांनी तरुणांचे मोठ्या प्रमाणात संघटन करण्याचे काम सुरू केले.
  • रायगडावर त्यांनी छत्रपती शिवाजीराजांच्या राज्याभिषेकाचा सोहळाही भव्यदिव्य करत लाखो तरुणांना दिशा देण्याचे काम सुरू केले.
  • राजर्षी शाहू महाराजांचा वारसा लाभलेल्या संभाजीराजे यांना भाजपच्या चिन्हावर निवडून आणण्यापेक्षा राजर्षी शाहूंच्या कार्याला मानवंदना देण्यासाठी थेट राष्ट्रपतींकडून नेमणूक करण्याचे ठरले.

तिरंगी मालिकेत ऑस्ट्रेलियाचा द. आफ्रिकेवर विजय :  

  • सलामीवीर डेव्हिड वॉर्नरचे शतक आणि गोलंदाजांच्या प्रभावी कामगिरीमुळे तिरंगी मालिकेत ऑस्ट्रेलियाने दक्षिण आफ्रिकेवर 36 धावांनी विजय मिळविला.
  • सेंट किट्समधील मैदानावर (दि.11) रात्री झालेल्या या सामन्यात ऑस्ट्रेलियाने प्रथम फलंदाजी करताना 288 धावा केल्या होत्या.
  • तसेच या आव्हानापुढे दक्षिण आफ्रिकेची स्थिती एकवेळ 3 बाद 210 अशी होती.
  • मात्र, त्यानंतर अवघ्या 42 धावांतच त्यांचे बाकीचे खेळाडू बाद झाल्याने आफ्रिकेचा डाव 252 धावांत संपुष्टात आला आणि त्यांना 36 धावांनी पराभवाला सामोरे जावे लागले.
  • संथ खेळपट्टीवर वॉर्नरने संयमी फलंदाजी करत 157 चेंडूत शतक झळकाविले.

भारताला धोरणात्मक भागीदार करण्याचे विधेयक :

  • अमेरिकाभारत यांना असलेले सुरक्षा धोके सारखेच असून भारताला महत्त्वाचा धोरणात्मक भागीदार करण्यासाठी एका वरिष्ठ रिपब्लिकन सिनेटरने एक विधेयक मांडले आहे.
  • अमेरिकेच्या अध्यक्षांनी जागतिक धोरणात्मक बाबींचा विचार करून भारताला महत्त्वाचे स्थान द्यावे, असे या विधेयकात म्हटले आहे.
  • सिनेटच्या सशस्त्र सेवा समितीचे अध्यक्ष जॉन मॅक्केन यांनी नॅशनल डिफेन्स अ‍ॅथोरायझेशन अ‍ॅक्ट (एनडीएए) 2017 हे सुधारणा विधेयक मांडले आहे.
  • तसेच या 4618 व्या दुरूस्ती विधेयकात म्हटले आहे, की भारत व अमेरिका यांचे सुरक्षा धोके सारखे असून त्यांच्यात ठोस संरक्षण व धोरणात्मक भागीदारी असली पाहिजे.
  • अमेरिका व भारत यांच्यातील संबंध गेल्या वीस वर्षांत वृद्धिंगत झाले असून त्यात दोन्ही देशांची भरभराट, लोकशाही मूल्ये, आर्थिक सहकार्य, प्रादेशिक शांतता व सुरक्षा तसेच स्थिरता यात मोठी प्रगती झाली आहे.
  • भारताला जागतिक पातळीवर महत्त्वाच्या धोरणात्मक व संरक्षण भागीदाराचा दर्जा द्यावा, असे आवाहन या विधेयकात अध्यक्षांना करण्यात आले आहे.
  • एनडीएए 2017 या विधेयकावर पुढील आठवडय़ात मतदान होण्याची शक्यता असून सिनेटमध्ये रिपब्लिकन पक्षाचे बहुमत आहे.
  • भारताला प्रगत तंत्रज्ञान देणे, लष्करी नियोजन करणे, मानवतावादी मदत करणे, तस्करीविरोधात उपायोजना करणे यात सहकार्याची अपेक्षाही त्यात केली आहे.

राज्यसभा निवडणूक विजयी उमेदवारांची यादी :

  • सात राज्यांतील राज्यसभेच्या 27 जागांसाठी झालेल्या निवडणुकीचा निकाल (दि.11) जाहीर झाला.
  • तसेच यामध्ये उत्तरप्रदेशमधून समाजवादी पक्षाचे 7 आणि बसपाचे दोन उमेदवार आणि भाजपचा एक उमेदवार विजयी झाला.
  • काँग्रेस नेते कपिल सिब्बल हेदेखील बसपाच्या पाठिंब्यावर उत्तर प्रदेशातून राज्यसभेवर निवडून आले आहेत.
  • तर हरियाणातून भाजपच्या पाठिंब्यावर अपक्ष उमेदवार सुभाष चंद्रा विजयी झाले.
  • राजस्थानमध्ये भाजपने चारही जागांवर विजय मिळवला.
  • भाजप नेते व्यंकय्या नायडू, ओम प्रकाश माथूर, हर्षवर्धन सिंग आणि रामकुमार वर्मा यांनी राजस्थानातून विजय मिळवला.
  • तसेच राज्यसभेच्या 57 जागा रिकाम्या झाल्या होत्या. यापैकी 30 जागांवर उमेदवारांची बिनविरोध निवड झाल्याने 27 जागांसाठी निवडणूक झाली होती.

दिनविशेष :

  • 1879 : गणेश दामोदर सावरकर, थोर क्रांतीकारक यांचा जन्म.
  • 1983 : पायोनियर 10 हे अंतराळयान सूर्यमाला सोडून जाणारी पहिली मानवनिर्मित वस्तू ठरली.

चालू घडामोडी PDF स्वरुपात मिळविण्यासाठी येथे क्लिक करा

Must Read (नक्की वाचा):

चालू घडामोडी (14 जून 2016)

You might also like

Leave A Reply

Your email address will not be published.

MPSC World