Current Affairs of 12 April 2016 For MPSC Exams

चालू घडामोडी (12 एप्रिल 2016)

चालू घडामोडी (12 एप्रिल 2016)

भारत आणि मालदीवमध्ये सहा करार :

  • मालदीवचे अध्यक्ष अब्दुल्ला यामीन अब्दुल गयूम यांनी (दि.11) पंतप्रधान नरेंद्र मोदी यांची भेट घेत विविध विषयांवर चर्चा केली.
  • भारत आणि मालदीव यांच्यामध्ये सहा करारही या वेळी करण्यात आले.
  • गयूम हे दोन दिवसांच्या भारत दौऱ्यावर आले आहेत.
  • संरक्षण सहकार्यासह करांची पुनरुक्ती टाळणे, करांबाबत माहिती देणे, अवकाश सहकार्य, ऐतिहासिक वास्तूंचे जतन आणि पर्यटन अशा क्षेत्रांमध्ये हे करार करण्यात आले.
  • तसेच यानंतर झालेल्या दोन्ही नेत्यांनी संयुक्त निवेदन प्रसिद्ध करत भारत आणि मालदीवमध्ये सुरक्षा आणि संरक्षण सहकार्याची आत्यंतिक आवश्‍यकता असल्याचे स्पष्ट केले.
  • पंतप्रधान मोदी आणि गयूम यांच्यात विविध विषयांवर द्विपक्षीय चर्चा झाली.
  • तसेच त्यांनी राष्ट्रपती प्रणव मुखर्जी यांचीही भेट घेऊन त्यांच्याशी चर्चा केली.
  • करारातील ठळक मुद्दे :-

  • संरक्षण मंत्रालयाच्या पातळीवरून सहकार्य वाढविणार
  • भारतातर्फे मालदीवमध्ये पोलिस अकादमी आणि संरक्षण मंत्रालयासाठी इमारत बांधली जाणार
  • आरोग्य आणि पर्यटन सेवा वाढविण्यासाठी प्रयत्न
  • आंतरराष्ट्रीय व्यापारामुळे एकाच वस्तूवर दोन वेळा बसणारा कर टाळणार
  • मालदीवमधील प्राचीन मशिदी आणि इतर ऐतिहासिक वास्तूंचे भारतीय पुरातत्त्व खात्यातर्फे जतन
  • दक्षिण आशियाई उपग्रहासाठी एकमेकांना सहकार्य
Must Read (नक्की वाचा):

चालू घडामोडी (11 एप्रिल 2016)

आर अश्विन ग्लोबलचा ब्रँड अँबॅसेडर :

  • आरोग्य क्षेत्रातील अत्पादनांमध्ये आघाडीवर असणाऱ्या मन्ना फुड्सने ‘ग्लोबल ब्रँड अँबॅसेडर’ म्हणून अश्विनची निवड केली आहे.
  • गोलंदाजीत सातत्यपूर्ण उत्कृष्ट कामगिरी केल्याने आर. अश्विनने जागतिक क्रमवारीत अव्वल स्थान पटकाविले आहे.
  • अश्विन हा मुन्ना फूड्स ब्रँडचा पहिलावहिला बँड अँबॅसेडर असल्याचे कंपनीने सांगितले.
  • राष्ट्रीय, आंतरराष्ट्रीय स्तरावरील कंपन्या आपल्या ब्रँडिंगसाठी लोकप्रिय सेलिब्रिटींना करारबद्ध करण्यासाठी नेहमी उत्सुक असतात.
  • मुन्ना फूड्सने पुदुचेरीसह दक्षिण भारतात सक्षमपणे आपले पाय रोवले आहेत.
  • मागील वर्षी त्यांनी ओडिशा, पश्चिम बंगाल आणि बिहारमध्येही विस्तार केला.
  • तसेच, संयुक्त अरब अमिराती, कतार, ओमान, सौदी अरेबियासह संपूर्ण मध्य-पूर्वेत ‘मन्ना‘ची उत्पादने निर्यात केली जातात.
  • सिंगापूर, मलेशिया, ऑस्ट्रेलिया आणि अमेरिकेत जिथे भारतीय लोकसंख्या जास्त आहे अशा देशांमध्ये ‘मन्ना‘चा चांगला व्यवसाय आहे.
  • मूळचा चेन्नईचा असलेला आर. अश्विन सर्वांत वेगाने बळी घेणारा भारतीय गोलंदाज आहे.
  • देशांतर्गत क्रिकेटमध्ये तमिळनाडूकडून खेळतो, तर आयपीएल स्पर्धेत तो ‘रायझिंग पुणे सुपरजायंट्स‘मधून खेळत आहे.

विश्वनाथन आनंदला ‘हदयनाथ जीवन गौरव’ पुरस्कार :

  • हदयेश आर्टस या संस्थेतर्फे दिला जाणारा यंदाचा हदयनाथ जीवन गौरव पुरस्कार आंतरराष्ट्रीय बुध्दीबळ ग्रँडमास्टर विश्वनाथन आनंदला दिला जाणार आहे.
  • राज्यपालचे विद्यासागर राव यांच्या हस्ते विश्वनाथन आनंदला दिनांक 12 एप्रिल 2016 रोजी सांयकाळी 7 वाजता दिनानाथ मंगेशकर नाटयगृह, विलेपार्ले (प), मुंबई येथे हा पुरस्कार प्रदान करण्यात येणार आहे.
  • कार्यक्रमाला शिक्षण व सांस्कृतिक कार्यमंत्री विनोद तावडे, पं हदयनाथ मंगेशकर, रघुनंदन गोखले, आमिर खान, हदयेश आर्टसचे अध्यक्ष  अविनाश प्रभावळकर व इतर निमंत्रित उपस्थित राहतील.
  • भारतरत्न लता मंगेशकर, आशा भोसले, अमिताभ बच्चन ए आर रेहमान यांना यापूर्वी या पुरस्काराने सन्मानित करण्यात आले आहे.

राज ठाकरे दहा दिवसांच्या दौऱ्यावर :

  • दुष्काळी स्थितीची पहाणी करण्यासाठी महाराष्ट्र नवनिर्माण सेनेचे अध्यक्ष राज ठाकरे दहा दिवसांच्या दुष्काळी दौऱ्यावर जाणार आहेत.  
  • तसेच या दौऱ्यात ते दुष्काळी भागाची पाहणी करणारी आहेत.
  • ते मराठवाड्यातील लातूर, बीड. उस्मानाबाद, जालना, औरंगाबाद जिल्ह्याला भेट देणार आहेत.
  • 19 एप्रिल ते 29 एप्रिल दरम्यान त्यांचा दुष्काळ दौरा आयोजित करण्यात आला आहे.
  • 10 दिवसाच्या दुष्काळी दौऱ्यात राज ठाकरे रोजगार हमी योजनेच्या कामास भेट, आत्महत्याग्रस्त शेतकऱ्यांच्या कुटुंबियास तसेच पाणीटंचाईग्रस्त गावांना भेटी देणार आहेत.
  • शेतकरी, शेतमजूर यांच्याशी संवाद साधून ग्रामीण भागातील समस्या ते जाणून घेणार आहेत.

आता खासगी मेडिकल कॉलेजेसना प्रवेश परीक्षा द्यावी लागणार :

  • मेडिकलच्या अॅडमिशनच्या प्रवेशासाठी असलेली परीक्षा किंवा नॅशनल एलिजिबिलिटी एन्ट्रन्स टेस्ट (NEET) पुन्हा सुरू होण्याचे संकेत सुप्रीम कोर्टाने दिले आहेत.
  • तीन वर्षांपूर्वी सुप्रीम कोर्टाच्या आदेशानुसार सदर प्रवेश परीक्षेवर बंदी घालण्यात आली होती.
  • मात्र, या निर्णयाचा पुनर्विचार करणारी याचिका सुप्रीम कोर्टाने दाखल करून घेतली आहे आणि एकप्रकारे एमबीबीएस, बीडीएस व एमडी या अभ्यासक्रमांसाठी प्रवेश परीक्षा घेण्याचा मार्ग मोकळा झाल्याचे संकेत दिले आहेत.
  • 2012 मध्ये मेडिकल काऊन्सिल ऑफ इंडियाने NEET सुरू केली होती, परंतु खासगी महाविद्यालयांनी याविरोधात याचिका दाखल केली आणि कोर्टाकडून ही परीक्षा त्यांच्यासाठी अनिवार्य नसल्याचा निकाल लागला होता.
  • मात्र, मेडिकल काऊन्सिलने या निर्णयाचा फेरविचार करावा अशी याचिका केली होती.
  • सुप्रीम कोर्टाने जुना आदेश मागे घेत या प्रकरणाची नव्याने सुनावणी घेण्याचे मान्य केले आणि NEET ला संजीवनी दिल्याची चर्चा आहे.
  • देशभरात 600 वैद्यकीय महाविद्यालये असून ती सगळी यामुळे प्रवेश परीक्षेमध्ये येणार आहेत.
  • वैद्यकीय शिक्षण नियंत्रित करण्याचे अधिकार मेडिकल काऊन्सिलला नसल्याचा सुप्रीम कोर्टाचे जुना आदेश असून आता तो आदेश मागे घेतल्याने एकप्रकारे प्रवेश परीक्षेचा मार्ग मोकळा झाला आहे.

वाघांच्या जागतिक आकडेवारीत वाढ :

  • जगभरात करण्यात आलेल्या व्याघ्रगणनेत शतकामध्ये पहिल्यांदाच वाघांची संख्या वाढली आहे.
  • रशियापासून ते व्हिएतनामच्या जंगलामध्ये ही व्याघ्रगणना करण्यात आली असून वाघांची संख्या 3890 वर पोहोचली आहे.
  • संवर्धन गट आणि प्रत्येक देशाच्या सरकारने व्याघ्रगणनेत सहभाग घेतला होता आणि त्याच आधारे ही आकडेवारी समोर आल्याची माहिती वन्यजीन संवर्धन गटाने दिली आहे.
  • 2010 मध्ये करण्यात आलेल्या व्याघ्रगणनेत वाघांची संख्या 3200 होती.
  • महत्वाची गोष्ट म्हणजे वाघांची संख्या वाढण्यामध्ये भारताचं खूप मोठं योगदान असून अर्ध्यापेक्षा जास्त वाघ भारतामध्येच आहे.
  • भारतामधील जंगलांमध्ये एकूण 2226 वाघ आहेत.
  • 19 व्या शतका जगभरातील जंगलात एकूण एक लाख वाघ होते.
  • दिल्लीमध्ये 13 देशातील प्रतिनिधींची (दि.12) बैठक होणार आहे त्याअगोदरच ही जागतिक आकडेवारी जाहीर करण्यात आली आहे.

दुबईत होणार सर्वात उंच इमारतीची निर्मिती :

  • सुप्रसिद्ध बुर्ज खलिफा इमारतीपेक्षा उंच इमारतीची निर्मिती करण्याची तयारी दुबईमध्ये सुरू आहे.
  • बुर्ज खलिफा इमारत जगातील सध्याची सर्वात उंच इमारत आहे.
  • मात्र, दुबई क्रिक हार्बर परिसरातील एका नवीन टॉवरचा सहा वर्ग किलोमीटरचा मास्टर डेव्हलपमेंट प्लॅन हा 828 मीटर उंच असलेल्या बुर्ज खलिफा इमारतीपेक्षा काहीसा उंच असल्याची माहिती विकासक एम्मारने दिली आहे.
  • इमारतीच्या उंचीबाबत इतक्यात काही सांगणार नसल्याचे एम्मार प्रॉपर्टीजचे संचालक मोहम्मद अलाबर म्हणाले.
  • इमारतीच्या उद्घाटनावेळी तिच्या उंचीबाबतची माहिती जाहीर करण्यात येईल.

चालू घडामोडी PDF स्वरुपात मिळविण्यासाठी येथे क्लिक करा

Must Read (नक्की वाचा):

चालू घडामोडी (13 एप्रिल 2016)

You might also like
Leave A Reply

Your email address will not be published.

MPSC World