3 June 2022 Current Affairs In Marathi (Chalu Ghadamodi)

चालू घडामोडी (3 जून 2022)

शेरिल सँडबर्ग यांचा राजीनाम्याचा निर्णय :

• फेसबुकची मालकी असलेल्या ‘मेटा’च्या दुसऱ्या क्रमांकाच्या अधिकारी शेरिल सँडबर्ग यांनी पायउतार होण्याचा निर्णय घेतला आहे.
• ‘स्टार्टअप’च्या स्वरूपातील या व्यवसायाचे डिजिटल जाहिरातीच्या साम्राज्यात रूपांतर करण्याचे श्रेय सँडबर्ग यांना असून, त्याच्या अनेक चुकीच्या निर्णयांचा दोषही त्यांनी स्वत:कडे घेतला होता.
• ‘फेसबुक’ या बडय़ा समाजमाध्यमात सँडबर्ग यांनी मुख्य परिचालन अधिकारी (चीफ ऑपरेटिंग ऑफिसर) म्हणून 14 वर्षे काम पाहिले.
• फेसबुकला सार्वजनिक स्वरूप आले त्याच्या चार वर्षे आधी, म्हणजे 2008 साली गूगलमधून त्या येथे आल्या होत्या.

ज्येष्ठ संतूर वादक भजन सोपोरी यांचे निधन :

• प्रसिद्ध संतूर वादक भजन सोपोरी यांचे गुरुवारी कर्करोगाच्या आजाराने निधन झाले.
• वयाच्या पाचव्या वर्षीच त्यांनी संतूर वादनाचा सार्वजिनक कार्यक्रम केला.
• वॉशिंग्टन विद्यापीठातून त्यांनी पाश्चिमात्य शास्त्रीय संगीताचे शिक्षण घेतले, तर वडिलांकडून हिंदूस्थानी संगीताचे शिक्षण घेतले.
  त्यांना 2004 मध्ये पद्मश्री पुरस्काराने गौरवण्यात आले.
• त्यापूर्वी संगीत नाटक अकादमी पुरस्कार आणि जम्मू- काश्मीर राज्य जीवनगौरव पुरस्कारानेही सन्मानित करण्यात आले.

विश्वचषक नेमबाजी स्पर्धात स्वप्निलला रौप्यपदक :

• भारताच्या स्वप्निल कुसळेने बाकू (अझरबैजान) येथे सुरू असलेल्या ‘आयएसएसएफ’ विश्वचषक नेमबाजी स्पर्धेतील पुरुषांच्या 50 मीटर रायफल थ्री-पोझिशन प्रकारात रौप्यपदकाची कमाई केली.
• तर हे भारताचे या स्पर्धेतील दुसरे पदक होते.
• सुवर्णपदकाच्या लढतीत स्वप्निलला युक्रेनच्या सेरहिय कुलिशकडून 10-16 असा पराभव पत्करावा लागला.
• महाराष्ट्राच्या स्वप्निलचे हे ‘आयएसएसएस’ विश्वचषक स्पर्धेतील पहिले वैयक्तिक पदक ठरले.
• फिनलंडच्या अलेक्सी लेप्पाने 407.8 गुणांसह तिसरे स्थान मिळवले. त्यामुळे त्याला कांस्यपदकावर समाधान मानावे लागले.

नॉर्वे बुद्धिबळ स्पर्धात आनंदचा सलग दुसरा विजय :

• भारताचा माजी विश्वविजेता बुद्धिबळपटू विश्वनाथन आनंदने नॉर्वे स्पर्धेतील दमदार कामगिरी सुरू ठेवताना पारंपरिक (क्लासिकल) विभागातील दुसऱ्या फेरीत बल्गेरियाच्या व्हेसेलिन टोपालोव्हवर मात केली.
• तर या कामगिरीसह त्याने जागतिक क्रमवारीतही अव्वल दहा खेळाडूंमध्ये पुनरागमन करताना नवव्या स्थानी झेप घेतली.
• आनंदने पहिल्या फेरीत मॅक्सिम वाशिये-लॅग्रेव्हला पराभूत केले होते.
• त्यानंतर बुधवारी रात्री उशिराने झालेल्या दुसऱ्या फेरीच्या लढतीत त्याने टोपालोव्हचा 36 चालींमध्ये पराभव करत सलग दुसऱ्या विजयाची नोंद केली.
• त्यामुळे दोन फेऱ्यांअंती सहा गुणांसह आनंद गुणतालिकेत अग्रस्थानावर आहे.

दिनविशेष:

• 3 जून 1916 मध्ये महर्षी कर्वें यांनी भारतातील पहिल्या महिला विद्यापीठाची स्थापना केली.
• हिन्दूस्तानच्या फाळणीची मांउंटबॅटन योजना 3 जून 1947 मध्ये जाहीर झाली.
• जमिनीवरील हवेतील लक्ष्यावर मारा करणाऱ‍या त्रिशूल क्षेपणास्त्राची द्रोणाचार्य या युद्धनौकेवरून कोचीजवळ यशस्वी चाचणी 3 जून 1998 मध्ये झाली.