2 ऑगस्ट 2021 चालू घडामोडी – Current Affairs

पी. व्ही. सिंधू
पी. व्ही. सिंधू

2 August 2021 Current Affairs In Marathi (Chalu Ghadamodi)

चालू घडामोडी (2 ऑगस्ट 2021)

सिंधूची सलग दुसऱ्या ऑलिम्पिक पदकाची कमाई :

  • टोक्यो ऑलिम्पिक स्पर्धेचा रविवारचा नववा दिवस बॅडमिंटनमधील पी. व्ही. सिंधूच्या कांस्यपदकाने भारतासाठी यशस्वी ठरला.
  • बॅडमिंटनपटू सिंधूने चीनच्या ही बिंग जियाओला नमवून सलग दुसऱ्या ऑलिम्पिक पदकाची कमाई करून इतिहास घडवला,
  • तसेच टोक्यो ऑलिम्पिक क्रीडा स्पर्धेत दमदार वाटचाल करणाऱ्या बॅडमिंटनपटू पी. व्ही. सिंधूने रविवारी अखेर कोटय़वधी भारतीय चाहत्यांना कांस्यपदकाचा नजराणा दिला.
  • जगज्जेत्या सिंधूने कांस्यपदकाच्या लढतीत चीनच्या ही बिंग जियाओला नेस्तनाबूत करून ऑलिम्पिकमध्ये दोन पदके जिंकणारी पहिली भारतीय महिला क्रीडापटू ठरण्याचा मान मिळवला.
  • तर तिने चीनच्या जागतिक क्रमवारीत नवव्या स्थानी असलेल्या बिंग जियाओचा 21-13, 21-15 असा सरळ दोन सेटमध्ये फडशा पाडला.
  • तसेच सिंधूचा हा बिंग जियाओविरुद्धचा 16 सामन्यांतील सहावा विजय ठरला.

49 वर्षांनंतर पुरुष हॉकी संघाची उपांत्य फेरीत धडक :

  • भारतीय पुरुष हॉकी संघाने रविवारी ब्रिटनवर 3-1 असा शानदार विजय मिळवत 49 वर्षांनंतर ऑलिम्पिक स्पध्रेच्या उपांत्य फेरीत धडक मारली आहे.
  • भारताच्या यशात दिलप्रीत सिंग (7व्या मिनिटाला), गरुजत सिंग (16व्या मिनिटाला) आणि हार्दिक सिंग (57व्या मिनिटाला) यांनी मैदानी गोलची नोंद केली.
  • तर ब्रिटनकडून सॅम वॉर्डने एकमेव गोलची नोंद केली.
  • तसेच येत्या मंगळवारी होणाऱ्या उपांत्य फेरीत भारताची विश्वविजेत्या बेल्जियमशी गाठ पडणार आहे. बेल्जियमने उपांत्यपूर्व सामन्यात स्पेनला 3-1 असे हरवून उपांत्य फेरीत स्थान मिळवले.
  • तर मेजर ध्यानचंद, बलबिर सिंग यांसारख्या मातब्बर हॉकीपटूंमुळे आठ वेळा ऑलिम्पिक सुवर्णपदके जिंकणाऱ्या भारताने अखेरचे सोनेरी यश मॉस्कोमध्ये 1980मध्ये मिळवले होते.

संयुक्त राष्ट्रांच्या सुरक्षा मंडळाचे अध्यक्षपद भारताकडे :

  • संयुक्त राष्ट्रांच्या सुरक्षा मंडळाचा ऑगस्टमधील अध्यक्ष म्हणून दहशतवादाचा मुकाबला, शांतता रक्षण व सागरी सुरक्षा या बाबींना प्राधान्य देण्यात येईल, असे भारताने रविवारी म्हटले आहे.
  • तर भारताचे संयुक्त राष्ट्रातील स्थायी राजदूत टी.एस तिरुमूर्ती यांनी दृश्यफीत संदेशात शनिवारी सांगितले, की सुरक्षा मंडळाचे अध्यक्षपद भारताला ऑगस्ट महिन्यासाठी मिळाले आहे ही आमच्यासाठी सन्मानाची बाब आहे.
  • तसेच भारत 75 वा स्वातंत्र्य दिन साजरा करीत असताना हा बहुमान मिळाला आहे. भारताने रविवारी अध्यक्षपदाची सूत्रे स्वीकारली.
  • संयुक्त राष्ट्र सुरक्षा मंडळाचा अध्यक्ष म्हणून भारत या महिन्यात अनेक बैठकांचे आयोजन करून त्यात वेगवेगळे विषय हाताळणार आहे.
  • तर सीरिया, इराक, सोमालिया, येमेन, पश्चिम आशिया यांसारखे अनेक मुद्दे विषयसूचीवर असू शकतात.
  • सुरक्षा मंडळ सोमालिया, माली, संयुक्त राष्ट्रांचे लेबनॉनमधील अंतरिम सुरक्षा दल याबाबत ठरावांना मंजुरी देण्याची शक्यता आहे, असे तिरुमूर्ती यांनी म्हटले आहे.

ऑस्ट्रेलियाची जलतरणपटू इमा मॅकीअनचा विश्वविक्रम :

  • ऑस्ट्रेलियाची जलतरणपटू इमा मॅकीअनने रविवारी विश्वविक्रमाची नोंद केली.
  • तर 27 वर्षीय मॅकीअनने एकाच ऑलिम्पिकमध्ये सात पदके जिंकणारी पहिली महिला जलतरणपटू ठरण्याचा पराक्रम केला.
  • तसेच यामध्ये चार सुवर्ण आणि तीन कांस्यपदकांचा समावेश आहे.
  • यापूर्वी 2008च्या ऑलिम्पिकमध्ये अमेरिकेच्या नताली कॉगलिनने चार सुवर्णासह सहा पदके जिंकली होती.
  • त्याशिवाय अमेरिकेची जलतरणपटू कॅटी लेडेकीने अखेरच्या दिवशी दोन सुवर्णाची कमाई करताना एकूण चार पदके मिळवली.

जुलैमध्ये सहा लाख कोटी रुपयांचे विक्रमी व्यवहार :

  • भारताने डिजिटल अर्थव्यवस्था विकसित करण्यासाठी चालविलेल्या प्रयत्नांना यश मिळताना दिसत आहे.
  • तर कंपन्या, दुकानदार आणि नागरिक डिजिटल व्यवहाराच्या माध्यमातून व्यवहार करत आहेत. गेल्या काही महिन्यांपासून डिजिटल व्यवहारांना गती मिळताना दिसत आहे.
  • जुलै महिन्यात 6 लाख 6 हजार 281 कोटी रुपयांचा विक्रमी डिजिटल व्यवहार झाला आहे.
  • तसेच 324 कोटी व्यवहारांच्या माध्यमातून 6 लाख 6 हजार 281 कोटी रुपयांची देवाणघेवाण झाली आहे.
  • भारताने डिजिटल व्यवहारांना चालना मिळावी यासाठी यूपीआय म्हणजेच युनिफाईड पेमेंट इंटरफेस ही यंत्रणा विकसित केली आहे. नॅशनल पेमेंट कॉर्पोरेशन ऑफ इंडिया डिजिटल व्यवहार वाढावे यासाठी प्रयत्नशील आहे.

दिनविशेष :

  • सन 1870 मध्ये जगातील पहिल्या भूमिगत ट्यूब रेल्वेची टॉवर सबवेची लंडन मध्ये सुरवात झाली.
  • आध्यात्मिक गुरू ‘जे.पी. वासवानी’ यांचा जन्म 2 ऑगस्ट 1918 मध्ये झाला.
  • 2 ऑगस्ट 1954 मध्ये दादरा व नगर हवेली हा प्रांत भारतीयांनी पोर्तुगीजांकडुन ताब्यात घेतला.
  • सन 2001 मध्ये ऑल इंग्लंड बॅडमिंटन स्पर्धेतील विजेता पुल्लेला गोपीचंद याची भारतीय क्रीडाक्षेत्रातील सर्वाधिक प्रतिष्ठेच्या राजीव गांधी खेल रत्‍न पुरस्कारासाठी निवड.
Must Read (नक्की वाचा):

चालू घडामोडी (3 ऑगस्ट 2021)

You might also like
1 Comment
  1. TEJASHREE says

    अरे व्हा… किती महिन्या नंतर चालू घडामोडी परत सुरू केल्या धन्यवाद

Leave A Reply

Your email address will not be published.